Question

1 қыркүйек білім күні тақырыбында сценарий керек еді? 

Answer 1

1. Оқушыларды сапқа тұрғызу
2. Қонақтардың орналасуы
3. Қазақстан Республикасының Мемлекеттік туын шығару. 
4. Салтанатты жиынды ашу, мектеп директорына сөз беру
5.Әнұран шырқалады.
6. Құттықтау сөз (қонақ, ата-ана,ұстаз)
7. Ән жолданады.
8. 1- сынып оқушыларының әдеби монтажы
9. Салтанатты жиынның жабылуы.
10. Қазақстан Республикасының Мемлекеттік туын шығару
11..Алғашқы қоңырау қағылады.
12.. Салтанатты жиынды жабу үшін мектеп директорына сөз беріледі.
13..Салтанатты жиын 1-сынып оқушыларының алғашқы сабақтарымен жалғасады.
(Әуен ойналып тұрады)
I жүргізуші: 
Қайырлы күн, құрметті ұстаздар мен қадірменді ата-аналар!
ІІ жүргізуші: 
Арма ағайын, мектеп оқушылары мен балауса балдырғандар!
І жүргізуші:
Жаңа оқу жылына қадам басарда өткен оқу жылында болған оқиғаларға да шолу жасап өткеніміз абзал. Қазақстан Республикасы тәуелсіздігінің 20 жылдығы қарсаңында ел рәміздерінің 20 жылдығы , Лондон олимпиадасы әлемдік аренасында ҚР-ның рәміздері биіктен шарықтауы және Павлодар облысының 75 жылдығы алғашқы оқу жылының тақырыптарына сай келіп отыр..
ІІ жүргізуші:
Ал ендеше барлығымыз да сағынышпен күткен “ Сәлем саған сүйікті, алтын ұя мектебім!”атты білім күніне арналған мерекелік шарамызды ашық деп жариялаймыз.
І жүргізуші:
Және биылғы еліміздің даңқын асқақтатқан оқиғалар көп болды
Шуақты қыркүйек айының алғашқы күні барша оқушы қауым алтын ұя мектебіне қайта оралып, мектеп табалдырығын алғаш аттаған балдырғандармен бірге сыңғырлаған қоңырау үнімен табысып отыр.
Құрметті ұстаздар, қонақтар, ата-аналар, аяулы оқушылар! Бүгінгі сағынышқа, шаттыққа толы «Алғашқы қоңырау» мерекелеріңіз баршаларыңызға құтты болсын! 

ІІ жүргізуші: 
Соның бірі алты құрлыққа қазақтың атын шығарған, қазақтың сайыпқыран ұл-қыздары жеңістің биік тұғырынан көрінген қоржынға 7 алтын, 1 күміс 5 қола салған, жалпы есепте 209 елдің ішінде 12 орынға тұрақтаған байрақты бәсеке ХХХ жазғы Лондон олимпиадасы. Лондон төрінде қазақтың әнұраны қалықтап, туы биіктен көрінді. 
І жүргізуші:
Көк тудың желбірегені 
Жаныма қуат береді,
Таласқа түссе жан мен ту
Жан емес маған керегі
Көк тудың желбірегені – 
Қазақстан Республикасының Мемлекеттік Туы ресми түрде енгізілсін. 
(Туды енгізу рәсімі)
Барлығы: «Қазақстан Республикасының мемлекеттік әнұранын орындайды.
ІI жүргізуші: 
Бүгін біздің қуанышымызға ортақтасу үшін мерекемізге келген құрметті қонақтармен таныс болыңыздар:
1.Хайыргелдинов Әділ Кабдуұлы -
2.Әлсейітов Оспанбек Балтабайұлы Павлодар қаласының нефти химиялық зауытының директоры, қалалық маслихаттың депутаты. 
3.Жүсіпова Ләйла Бажқызы қалалық оқу бөлімінің бас маманы

4.

5.
І жүргізуші: 
Жан шуағы, күн шуағы арай ма,
Ұстаз деген әулиедей талайға
Басын иіп өткен жоқ па біз түгіл,
Әл- Фараби, Омар Хаям, Абай да.
ІI жүргізуші:
«Сәлем саған сүйікті, алтын ұя мектебім!» мерекесін салтанатты түрде ашу үшін алғашқы сөз кезегі мектеп директоры Төлеген Кәкімұлына беріледі.
І жүргізуші
Құшақ жая қай жерде де қарсы алар,
Абзал жан бар, биік тұлға байсалды.
Қуаныш пен салтанатты шақтарда
Қонақтар да ақ тілегін ақтарар.
Сөз кезегі қадірменді қонақтарда.
( қонақтарға сөз беріледі)
Сіздердің құрметтеріңізге, ақ тілектеріңізге арнап 2 а сынып оқушысы Асарбаев Мейірлан «Бала тілегі» әнін жолдайды, қабыл алыңыздар. 
II Жүргізуші сөзі:
Өмірдің бейбіт бағы гүл,
Асудан асып асқарлы
Мінекей биыл тағы бір

Жаңа оқу жылы басталды.
Шаттықпен шалқып толғана
Ой толқытқан жүрегін
Өмірег алмақ жолдама
Сыр шертсін енді түлегің

Он бірінші сынып оқушысы. Айжан
Кеше ғана аттаған,
Мектеп табалдырығын
Бүлдіршін едік бастаған
Ақ бантикті тұлымың
Иә, кеше, кеше еді,
Сәби едік балдырған
Азамат болып көшелі,
Табылмақпыз сан қырдан
Сусындап білім нұрына
Өткеріппіз он жылды
Қанығып өмір қырына,
Зердеге түйдік мол сырды.
Жанар
11-сынып оқушысы: Оқыған әпке, ағаңыз,
Қадірлі мектеп – бұл мектеп.
Сендердей біз де болғанбыз,
Есейдік, міне, қараңыз.
Құт болып алғаш қадамың,
Жағарсың білім шырағын.
Шоқан:
Биылғы жыл ерекше,
Ұғарсың оның шын мәнін. 

11-сынып оқушысы: Құттықтап білім күнімен,
Сыйланар сізге әліппе.
Бар білімнің бастауы,
Қадірлеп оны дәріпте.
I Жүргізуші:
Егемен елдің төсінде,
Шуағын шашсын арай ,күн
Азамат болып өсіңдер,
Қызыға жұрттар қарайтын.

11-сынып түлектерінің құрметіне Алтаева Дария мен Асиманың орындауында “Мектебім” әнін қабыл алыңыздар. 
Жүргізуші:
Біреулер енші ап өмірден,
Аттанбақ болса асып қыр
Біреулер балғын көңілмен
Алғашқы қадам басып тұр

Сондықтан да назарды,
Солар жаққа бұрайық
Балдырғандарды базарлы
Қарсы алып, қол ұрайық.
II Жүргізуші:
Айқара ашқан есігін
Қайнары білім нұрының
Мектебің – алтын бесігің
Жылы ұяң, міне сыныбың

Қаламсап алып қолыңа,
Достасарсың да әріппен
Шуағын себер жолыңа,
Жан серігің - әліппең – дей келе, бүгінгі мектеп
табалдырығын аттағалы отырған 1-сынып
оқушыларына сәтті қадам, таудай талап тілейміз.
I Жүргізуші:
Халқымыз “Ата-баба дәстүрі- асыл мұра” дегендей “Бала- бауыр 
етім” деп баласы шыр етіп дүниеге келгеннен бастап, әрбір
қадамына қуанып, шілдехана, бесік той, тұсау кесер, ашамайға
отырғызу сияқты тойларын жасаған. Ал бүгінгі тойымыз
бүлдіршіндердің 6-ға келіп, 1- сыныпқа қабылданып ,“Алғашқы
қоңырау мерекесіне қатысу сәті. 
Бұл той- баланың бал дәурен шағымен қоштасып, білімге
талпынған қадамы.
Құрметті халайық, олай болса, оқушыларымыздың тойын бастауға
рұқсат етіңіздер!
(1-сынып оқушыларының әдеби монтаждары, өлеңдері тыңдалады,
өнерлері тамашаланды)
ІІ блок 
Музыка әуенімен ойнап келе жатқан балалар дауысы естіледі. Осы кезде 2-3 балдырған (қолдарында добы, қуыршағы, машинасы бар) өзара таласып келіп ортаға кіреді.

II-жүргізуші: Ойын қуған, жүрген думан бұл кімдер?
Сылдыраған балаң тілмен естіледі бір үндер.

1-балдырған: Мамам айтқан күзде мектепке барасың деп, (Дана)
Көп-көп оқу құралдарын аласың деп.

2-балдырған: Онда мына машинаңды неге тастамайсың? (Томирис)
Сен әлі еш нәрсені түсінбейтін кішкентайсың.

3-балдырған: Жоқ, ол жетіге толды, (Батырхан)
Үлкен бала болды.
Мына қуыршақты, машинаны
Бөпесіне сыйлайтын болдық.
Балалар ойыншықтарын бөпелеріне береді. Осы арада мектепке бара жатқан 2-сынып оқушылары ортаға келіп қосылады.

2-сынып оқушысы: Балалар, мектепке бармайсыңдар ма? (Аружан)

1- Балдырған: Мектеп.Мектеп деген ол не өзі? (Адиа)
Оның бар ма мұрны, аузы, көзі?

2-сынып оқушысы: Мектеп – ол үлкен орда,
Оқимын дегеннің бәрі сонда. 

2- Балдырған: Онда не береді?
Менің де барғым келеді.

2-сынып оқушысы: Жетіге толсаң, ойын қумай бос текке, (Аружан)
Оқисың, әрине, сен де мектепте.

3- Балдырған: Мектептен үйрендің сен нені? (Райымбек 2ә)
Көп пе оның сендерге бергені?

2-сынып оқушысы: Мектепте бәріміз білім аламыз,
Жан-жақты дамып өседі санамыз.
Біз секілді ағылшын тілін меңгересің,
(Алишер 2 в)
Мектепте домбыра қағуды үйренесің,
Үйірмеде билегенде бір ғажайып күйге енесің.
Ән сабағына қатысып ән айтасың,
Интернетке кіріп жаңалықпен қайтасың.
Спорттың неше түрімен шынығасың,
Қарның ашса, асханада сусын ішіп тынығасың.
(2 г Елнура)

Comments

Бүгін 1- қыркүйек білімнің күні,
Сыңғырлайды мектепте қоңырау үні.
Мектебім мінеки, ақ ордам тым асқақ,
Ұстазым, достарым тұр әне қол бұлғап.
Жүріңдер, үңіліп мектептің сырына,
Шығайық біз бірге білімнің шыңына.

I жүргізуші: Қадамыңа гүл бітсін деп ал халқым,
Қол соғып бір қошеметтеп тұр жалпың.

II жүргізуші: Ортаға 1-сыныпқа қадам тастаған бүлдіршіндер келеді,
Жүрек жарды тақпақтарын сіздерге айтып береді.

1-оқушы: Сәлем, саған мектебім, (1а Дана)
Алғыстарым көп менің.
Оқу, білім, тәрбие
Ой санама еккенің.

2-оқушы: Қуаныш бүгін – мереке, (1а Томирис)
Шуағын шашып тұр әлем.
Мектепке келген алғашқы,
Жан досым, саған мың сәлем.

3-оқушы: Бірінші қыркүйек күні мен (1г Батырхан)
Аңқыған жұпар гүлімен
Келіп ем, қарсы алар мектебім
Сүйкімді қоңырау үнімен.

4-оқушы: Биыл мен де мектепке (1г Адиа)
Біріншіге барамын.
Мақтанбаймын мен текке,
Дайын дәптер, қаламым.

5-оқушы: Мектепке енді барамыз, (1в Қымбат)
Біз оқушы боламыз.
Жақсы оқып сабақты,
Кілең бестік аламыз.

6-оқушы: Алдыңа келіп, ұстазым, (1 в Жанеля)
Тұңғыш қалам ұстадым.
Күлімдеген көзіңнен
Мейіріңді сезіндім.

7-оқушы: Отанның біз ұл-қызы, (Мадияр 1ә)
Халықтың біз жұлдызы.
Оқимыз ақын-жырларын,
Оқимыз еңбек сырларын.

8-оқушы: Сылдырлайды, сыңғырлайды (1 б Мейіржан)
Мектеп жақта қоңырау.
Ұмытпаймыз бұл бір айды,
Гүлге толы омырау.

9-оқушы: Гүл толы қала, дала да, (1 б Батырхан)
Гүл толы бүгін омырау.
Шақырып мектеп – анаға,
Соғылмақ тұңғыш қоңырау.
Мектеп табалдырығын алғаш аттап отырған бүлдіршіндерімізге сәттілік тілей отырып , 2 а сынып оқушысы Джумалинова Дана «Ертегілер» әнін жолдайды, қабыл алыңыздар.

I -жүргізуші: Жүрегі нұр, өмірі гүл ұстаздың,
Сондықтан да ұстазыңа ұқсағың.
Адам жанын тәрбиелеп аялар,
Құрметті ғой әрбір ісі ұстаздың – деп сөз кезегін 1-сыныпқа шәкірттерін қабылдап отырған ұстаздарға береміз. Құрметпен ортаға 1 а сынып жетекшісі Баян Бакиқызын шақырамыз.

II жүргізуші: Оқитын әрі жазатын,
Білімге қол созатын.
Оқушы болдың, қарағым,
Білімнің кілтін ашатын, - деп сөз кезегін балапандарын ертіп келген құрметті ата-аналарымызға береміз. Ортаға 1ә сыныбының ата-анасы Батыргужинова Ботагөз Кожаханқызын ортаға шақырамыз.

1 жүргізуші:
Күтіп тұр, алда сан қызық,
Асулар асқар, неше сын
Кеудеңе үміт жанғызып,
Азамат болып өсесің.
Үміттің отын жандырған
Қызырдан болсын қолдаушың
Хош келіпсің, балдырған
Қадамдарыңа нұр жаусын!
Ұшталған үміт арманнан,
Таудай бір болсын талабың! – келесі әсем би өздеріңе арналады.
Менің Қазақстаным орындайтын 3б сынып оқушысы, Испания, Турциядағы халықаралық байқаулардың жеңімпазы, джамбо тобының бишісі Аманжолова Айгерим қабыл алыңыздар.

II Жүргізуші:
Жаңа оқу жылы құт болып,
Ізгілік оты жағылсын.
Бөбек пен түлек жұп болып,
Алғашқы қоңырау қағылсын – алғашқы қоғырауды күмбірлете соғу үшін ортаға мектебімізден биыл түлеп ұшатын және мектеп табалдырығын алғаш аттағалы отырған оқушыларды шақырамыз.
(Бірінші және он бірінші сынып оқушылары қоңырау соғады)
1.11 б сынып оқушысы, оқу үздігі, қалалық пән олимпиадасының жеңімпазы Мелісова Арайлым
2. 1 а сынып оқушысы Мейрам Дильназ
3. 1ә сынып оқушысы Тоқтасын Мадияр
4.11-сынып түлегі Алмат
5. 1 б сынып оқушысы Кайрбаева Наргиз
6. 1в сынып оқушысы
I Жүргізуші:
Аялар бейбіт күн нұры,
Мектебім, бізге жөргексің.
Алғашқы қоңырау сыңғыры
Ән болып сені тербетсін.

Сыңғырла қоңырау, сыңғыр қақ,
Жаңа оқу жылын ашқасын
Бал үнің сенің сырлы ырғақ
Сыныпқа бізді бастасын

Қоңырау үні шарықта,
Өзіңнің сиқыр тіліңде
Қызмет көрсет халыққа
Шақырып өнер – білімге

Жаңа оқу жылы жемісті
Мерейі үстем жыл болсын
Шәкірттеріміз өрісті
Елім дер қыз бен ұл болсын.
II Жүргізуші:
Ендеше балғын балалықпен қоштасып, мектеп табалдырығын алғаш аттағалы отырған 1-сынып оқушылары мен алғашқы ұстаздарына қошеметпен қол соғып қояйық! Мектепке 1-сынып оқушылары мен ұстаздарын алғашқы білім күніне арналған сабаққа шақырамыз.
1-а сыныбы сынып жетекшісі Жұманбаева Баян Бакиқызы
1-ә сыныбы сынып жетекшісі Балтабаева Кенжегүл Айдарханқызы
1-б сыныбы сынып жетекшісі Баймульдинова Альфия Иранқызы
1-в сыныбы сынып жетекшісі Жакупова Ажар Ерболатқызы
1-г сыныбы сынып жетекшісі Журсунова Мадина Маратқызы
Оқысаңыз балалар
Шамнан шырақ жағылар
Тілегенің алдыңнан
Іздемей-ақ табылар – алғашқы қадамдарың құтты болсын, алтын ұя мектебіңде білім нәрімен сусындап, жарқын болашаққа сеніммен қараңдар.
Ақ жол, бүлдіршіндер!
Біліммен асып - тасайық
Тілеуін берсін көк көптің
Тілекпен осы ашайық
Есігін енді мектептің
І - жүргізуші:
Осымен 1-қыркүйек білім күніне арналған «“ Сәлем саған сүйікті, алтын ұя мектебім!” мерекесі өзі мәресіне жетті. Салтанатты жиынымызды жабық деп жариялаймыз. Білім күні құтты болсын. Еліміз аман, еліміздің беделі асқақ болсын!

ІI жүргізуші:
Жаңа оқу жылы баршаңызға құтты болсын! “Алғашқы қоңырау!” мерекесі 2012-2013 оқу жылының алғашқы сабағымен жалғасады.
Ақ жол сіздерге, мектеп оқушылары!

Белгісіз 19.08.2013 пікір

Answer 2

1 Қыркүйек - Білім күні (Алғашқы қоңырау)

Шәудірбаева Гүлшат Иманғалиқызы,
Алтынсарин орта мектебінің педагог-ұйымдастырушысы
Маңғыстау облысы, Бейнеу ауданы

Жүргізуші:
Алтын шапақ шашыратып көгінен,
Күз кеп жетті сағыныштан сезіммен.
Балапандай ұясына асыққан,
Шәкіріттерін шаттандырып сеніммен. 

1 қыркүйек - Білім күні мерекесіне арналған «Қазақстан-2050: бір халық- бір ел- бір тағдыр» атты салтанатты жиынға қош келдіңіздер!
Құрметті ұстаздар , ата-аналар ,оқушылар !
Барлықтарыңызды бүгінгі 1 қыркүйек- Білім күнімен шын жүректен құттықтаймыз !
Құттықтай отырып зор денсаулық, мол бақыт, ашық аспан , бейбітшілік пен ынтымақтастық тілейміз . Жаңа оқу жылдарыңыз құтты болсын. Бүгінгі алғашқы қоңырау мерекесіне арналған «Қазақстан-2050: бір халық - бір ел- бір тағдыр» атты
салтанатты жиын ашық деп жарияланады. Қазақстан Республикасының Туы көтерілсін! Ту көтеру құрметі облыстық, республикалық олимпиадалардың жүлдегеріне беріледі.
(Ту көтеріліп, Әнұран орындалады)
Салтанатты жиынымыздың алғашқы сөз кезегі мектеп басшысына беріледі
Түлектерім тас қияға өрледі,
Шетелден де жүлдесіз боп келмеді. 
Биіктерді бағындырсақ ұжым боп,
Мектебімнің басшысының еңбегі,-дей келе
Бүгінгі салтанатты жиынға аудан әкімшілігінен қатысып отырған қонақтарды атай келе, сөз кезегін................................... береміз: 

Қандай ғажап қарашы жан- жағыңа, 
Күміс күлкі симай тұр, қара мұңға.
Ата-анадай бақытты бар ма екен жан,
Қол жеткізген аңсаған арманына. 
Жақсы шәкірт Азамат атанады,
Халқынан,ата-анадан бата алады .
Ұрпағына айтсын деп ақ тілегін,
Ортаға шақырайық ата-ананы.
(Ата-анаға сөз беріледі)

1 тамыз - 30 қыркүйек аралығында өтіп жатқан Республикалық «Мектепке жол акциясына» өз демеушілігін көрсетіп жүрген ата-ана ортаға шақырамыз.
(Әлеуметтік жағдайы төмен оқушыларға оқу құралын табыстау)

Кезекті қоңырау соғу рәсіміне береміз.
1. 1 - сынып оқушылары-------------------------
2 11 - сынып оқушысы -------------------------
Құрметті қонақтар, ата-аналар, ұстаздар оқушылар! Сіздерді жаңа оқу жылының алғашқы қоңырауы Білім еліне шақырады.
Осымен Алғашқы қоңырау мерекесіне арналған салтанатты жиын жабық деп жарияланады.

Answer 3

1 қыркүйек – Білім күніне арналған салтанатты жиын бағдарламасы

1-жүргізуші: Қайырлы күн, құрметті ұстаздар мен оқушылар!

2-жүргізуші: Армысыздар, қадірлі ата-аналар мен қонақтар!

1-жүргізуші: Өмір бойы мектебімді жыр етем,

Бір өзіңде бақыт, білім, берекем.

Шәкірттерің өрістесін, өрлесін,

Құтты болсын Білім күнің – мерекең!

2-жүргізуші: Құрметті оқушылар, аяулы ұстаздар, ата-аналар, қадірменді қонақтар, Қазақстан Республикасының рәміздерінің 20 жылдық мерейтойымен сіздерді құттықтай отырып, мектеп өмірінде дәстүрге айналған «Сыңғырла, күміс қоңырау!» атты салтанатты жиынымызды ашық деп жариялаймыз! 

1-жүргізуші: Мектебіне шәкірттер ағылады,

Сана, білім сусаған табылады.

Гүл шоқтарын қолына көтеріп кеп,

Ұстазына жеткенше сағынады.

2-жүргізуші: Жүректері тұратын лүпіл қағып,

Мұғалімдер оларды күтуде анық.

Білім нұрын ұрпаққа таратсын деп,

Осы шақты аңсайды бүкіл халық.

/«Мектеп вальсі» әуені/

 2-жүргізуші: 1 қыркүйек – айрықша мәні бар, айтулы Білім күні. Балалар өмірінде кезекті оқу жылы басталады. Ол әсіресе, бірінші сыныпқа баратындар үшін аса маңызды. Мектеп табалдырығын алғаш рет аттағалы отырған бүлдіршіндерді ортаға шақырамыз.

1-жүргізуші: – 1 «А» сыныбын білім әлеміне апаратын ұстаз –

Рахимжанова Апидаш Мұратқызы

/музыка әуенімен келіп сапқа тұрады/

2-жүргізуші: - 1 «Ә» сыныбын  білім әлеміне апаратын ұстаз –

Темирова Айнұр Сембайқызы

/музыка әуенімен келіп сапқа тұрады/

2-жүргізуші: Бүлдіршіндер ертеңгі ел мамандары,

Құтты болсын алғашқы қадамдары!

1-жүргізуші: Құтты болсын басталған оқу жылы,

Құтты болсын, болашақ баспалдағы!

Қадыров Н.: Мектеп, тік тұр! ҚР Мемлекеттік туы енгізілсін!

/ҚР мемлекеттік әнұраны орындалады/

 2-жүргізуші: Бүгінгі салтанатты жиын қонақтарымен таныстыруға рұқсат етіңіздер: /келген қонақтармен таныстырады/

1. –       Екібастұз қаласы әкімдігі бөлімінің бастығы

2. –       Қалалық білім бөлімінің әдіскері

2-жүргізуші: Абзал жан, биік тұлға байсалды,

Құшақ жая шәкірттерін қарсы алды.

Бүгінгі салтанатты шақта бір

Құттықтайды мектеп басшысы баршаңды, – дей келе, құттықтау сөз мектеп директоры Мұхаметжанова Зинаида Әшімқызына беріледі

1-жүргізуші: Ардақты асыл мекен мектебіме,

Аяулы асыл жандар көп келеді.

Құрметпен қонақтарға сөз берійік,

Жақсы сөз жанға ыстық нәр береді.

2-жүргізуші: Алғашқы қоңырау салтанатында құттықтау сөз бүгінгі жиынымыздың құрметті қонақтарында

1. –   Екібастұз қаласы әкімдігі бөлімінің бастығы

2. –   Қалалық білім бөлімінің әдіскері

2-жүргізуші: Алғаш келген бүлдіршін,
Құтты да болсын қадамың!
Төбеңде бейбіт күн күлсін!
Төмендемесін талабың!

Сөз кезегі мектеп табалдырығын алғаш рет аттағалы тұрған бүлдіршіндерге беріледі. /7 оқушы өлең оқиды/

1.  Бірінші қыркүйек күнімен,

Аңқыған жұпары гүлімен.

Келіп ем, қарсы алды мектебім,

Сүйкімді қоңырау үнімен.

2. Келдік алғаш мектепке,

Білмейтін едік әріп те,

Оқып, бізді үйретер,

Ғылым анасы – Әліппе!

3 .Мектеп – қамқор анамыз,

Оқып, білім аламыз.

Өнерпаз боп өсетін,

Біз оқушы боламыз

4. Мен мектепке барамын,

Кілең бестік аламын.

Ата-анамды қуантып,

Шоқ жұлдыздай жанамын.

5.  Бақытты балғын баламыз,

Өсті ой мен санамыз.

Әріп танып, сабақ оқып,

Білім нәрін аламыз.

6.   Міне мен де ұлкен болдым,

Жасым толды алтыға.

Арқама сөмке асынып,

Мектепке барам асыға.

7.   Қайсарлы Қазақстан ұланымыз,

Еліме лайық болу ұранымыз.

Қазақ қыздар гимназиясынан білім ап,

Білімнің биігіне шығамыз біз.

Бүлдіршіндер – ертеңгі ұландары,

Құтты болсын алғашқы қадамдары.

Құтты болсын, басталған оқу жылы,

Құтты болсын, алғашқы баспалдағы.

2-жүргізуші: «Мектебім» әні – орындайтын «Әуен»  вокалдық тобы

2-жүргізуші:  Гимназия табалдырығын аттағалы отырған жас бүлдіршіндерді құтттықтап, қадамдарыңызға гүл бітсін, «Ақ жол» болсын деп тілек білдіруге Алдабаева Маржан  шақырылады.

/11-сынып оқушысының құттықтау сөзі/  

.: - Қымбатты біздің кішкене сіңлілеріміз! Аяулы ұстаздар! Міне, бүгін біз үшін соңғы Алғашқы қоңырау. Бала шақтан болашаққа қадама басып бара жатқан біздер, гимназия үмітін ақтауға бар күшімізді саламыз.

Оқыған әпкелеріңіз

Қадірлі мектеп – бұл мектеп,

Сендердей біз де болғанбыз.

Есейдік, міне, қараңыз.

Құт болып алғаш қадамың,

Жағарсың білім шырағын.

Биылғы жыл ерекше,

Ұғарсың оның шын мәнін.

1-жүргізуші: Қағылмақ, міне, әуенге бөлеп,

Қағылмақ алғаш қоңырау,

Нұр толқып жүзің, гүл толып құшақ,

Шаттыққа толсын омырау!

2-жүргізуші: Алғашқы қоңырау соғу рәсімі құрметпен Ахметжанова Меруерт пен Алпысбаева  Ильназға беріледі.

/Қоңырау соғылып жатқан сәтте…/

2-жүргізуші: Қызыл гүл жайнады төрімде,

Қызықты күнім де, кешім де.

Алғашқы қоңырау дауысы,

Қалады мәңгілік есімде.

1-жүргізуші: Алтын ұя – киелі шаңырағым,

Мен өзіңе қашан да табынамын.

Алыс, жырақ өзіңнен кетсем егер,

Қоңырауыңды сыңғыр қаққан сағынамын!

2-жүргізуші: Сылдырла, сыңғырла тағы да,

Шақыра білімнің бағына.
Бөбек пен түлек жұп болған,
Алғашқы қоңырау қағылды!

Қадыров Н.: Мектеп,тік тұр! ҚР Мемлекеттік туы шығарылсын!

2-жүргізуші: Ал енді 1-сынып оқушыларының алғашқы ұстаздарымен білім жолындағы қызықтарға толы әлемге саяхатында сәт сапар!

/музыка әуенімен 1-сынып оқушылыры кетеді/

2-жүргізуші: Құрметті оқушылар, баршаңызды Білім күніне арналған «Мемлекеттік рәміздер-ұлттық мақтаныш» атты алғашқы сабаққа шақырамыз.

1-жүргізуші: Осымен Білім күніне арналған салтанатты жиынды жабық деп жариялаймыз!

Answer 4

Білімнің бастауы – балабақшада (Ертеңгілік)

Мақсаты: 1 қыркүйек - Білім күні мерекесінің маңызын түсіндіру, сезіндіру. Ата Заң күні мерекесін атап өту.
Сахна мәдениетіне баулу. Көңілді орта қалыптастыру.

Барлық балалар «Балдәурен» әнінің әуенімен түрлі - түсті шарлар ұстай көңілді би билейді, би аяқталғанда шарларды ұшырып жібереді. Ортада жүргізуші 5 - 6 бала қалады:
1 - бала: Қандай керемет! Бүгін көңіл - күйім шарықтап тұр!
2 - бала: Себебі бүгін мереке ғой!....
3 - бала: Иә, иә! Бүгін - 1 қыркүйек, білім күні!
4 - бала: Бәсе, бүгін оң көзім қайта - қайта тартқан еді.........
5 - бала: Осылай әңгімелесіп тұра береміз бе?
Балаларды шақырып, мерекені бірге тойламаймыз ба?

1 - бала: Кеттік онда! (Ортаға тақпақ айтатын басқа балалар ауысып тұрады)
6 - бала: Өмірдің бейбіт бағы бұл,
Асудан асып асқарлы
Мінекей биыл тағы бір
Жаңа оқу жылы басталды.
7 - бала: Балабақша есігін
Үшке тола ашқанбыз.
Балапандай мәпелеп,
Өсіруде бақшамыз.
8 - бала: Бұл - екінші үйіміз,
Бір туғанбыз бәріміз.
Біз - осы үйдің гүліміз
Біз - осы үйдің сәніміз.
9 - бала: Егемен елдің төсінде,
Шуағын шашқан арай күн
Азамат болып өсеміз
Қызыға әлем қарайтын.
10 - бала: Биіктерге бастайтын асқаралы
Әр жүректің сүйікті, асқақ әні
Мерекеде бәріміз бір дауыспен
Шырқайық еліміздің әнұранын!

ҚР Мемлекеттік әнұраны

11 - бала: Бүкіл елде басталып бүгін жыры,
Бақ қоңырау шақырар ұғымдыны.
Білім - ғылым бастауы, мерекелі
Құтты болсын бүгінгі Білім күні!
12 - бала: Шайдай ашық бейбіт күннің аспаны
Ауламыздың келісіп тұр бар сәні
1 - қыркүйек - салтанатты мерекемен
Құттықтайды меңгеруші баршаны!
Сүйікті апайымыз -................................. құрметті сөз кезегін ұсынамыз!

Құттықтау сөз

13 - бала: Мерекемізді апайларға арнап әсем әнмен жалғайық.
Риза етіп баршаны
Әсем әнге саламыз
Таудан биік талабы
Біз - сүйкімді баламыз!

Ән «Сүйкімді баламыз» муз: Б. Жұмабекова

(Көңілді музыкамен Күлдіргіштер бір - бірімен сумен атылатын пистолетпен атысып (немесе майда түрлі - түсті доптармен) ойнап келеді)
1 - Күлдіргіш: О! Мұнда балалар көп екен! Жақсы болды!
2 - Күлдіргіш: Келіңдер балалар, қызы - ы - ық ойын ойнайық!
1 - Күлдіргіш: Неге сонша сықиып киініп алғансыңдар?......
13 - бала: Бүгін – білім күні ғой! Үлкен мереке!
14 - бала: Біз енді ойынды азайтамыз, көбірек оқитын боламыз.
2 - Күлдіргіш: Солай деңдер?! Ал көп оқып миды ашытып керегі не?
15 - бала: Корабльді басқарып
Көк жүзіне самғатар
Тауды бұзып, тас жарып
Мұхиттарды жалғатар
Сырлары көп ғылымның
Шешілмеген әлі де
Тереңдігі білімнің
Керек екен бәріне!
16 - бала: Білім - менің ертеңім
Өсу үшін өркенім
Жүзем оқу - айдында
Жайып білім желкенін
Қиындықтан өтуге
Армандарға жетуге
Білім алам ерінбей
Еліме қызмет етуге!
1 - Күлдіргіш: Керемет! Онда біз басқа да Күлдіргіш достарымызды
шақырып сендерге мереке құрметіне би билеп берейік,
шашуымыз болсын!

Би «Күлдіргіштер биі»

17 - бала: (Аида) Бүгінгідей мереке күні біз де Бақдәулет досымыз
екеуміз барша қауымға әнімізді арнағымыз келеді...
Қабыл алыңыздар!

Жеке ән «Жас дәуірдің түлегіміз» муз: И. Нүсіпбаев

(Әсем әуен ойналып «Бақыт құсы» ұшып келеді)
Бақыт құсы: Сәлем, баршаңызға! Мен - Бақыт құсымын. Қариясы сыйлы,
балалары бақытты Қазақстан дейтін байтақ елді мекен етемін.
Мәңгілік ел халқының қос мерекеге арнаған лебіздерін мына
сиқырлы шарға жинап жүрмін. Лебіздерге толған сиқырлы
шар еліміздің көгінде барша Қазақстандықтарға нұрлы шуағын
шашып тұратын болады.
18 - бала: Неліктен қос мереке дедіңіз? Бүгін білім күнінен басқа тағы
қандай мереке?
Бақыт құсы: 30 тамыз – Ата Заң күнін кеше ғана бүкіл ел тойлады. Ата Заң -
елдегі бақыт пен бірліктің, бостандық пен теңдіктің кепілі.
Бұл мереке туралы бұрын сендер естімедіңдер ме?
19 - бала: Естігенде қандай! Ата Заң күні мерекесіне де біз арнайы
тақпақтар жаттадық, тыңдап көріңіз.
20 - бала: Ата заңым - тірегім
Арман, үміт, тілегім
Өрлеп, өскен бүгінгі -
Өз Отаным, ұлы елім!
21 - бала: Ата заңым - бірлігім
Берекелі іс, тірлігім
Елдің ырыс, бақыты
Бейбітшілік, нұрлы күн!
22 - бала: Ата заңым – қуатым
Сенім, мақсат, мұратым
Мақтанышым, көк туым
Көкте шалқып тұратын!
Қазақстан - ұлы елім
Әнге қосам өр атын!
Жеке ән «Мақтаным - Қазақстаным» муз: А. Еспенбетова
Бақыт құсы: Өте тамаша! Мен риза болып тұрмын. Кеткім келмейді, бірақ
бүкіл Қазақстанды аралап шығу үшін асығуым керек.
Мына сиқырлы шарға мерекелік лебіздеріңді айтып жіберіңдерші:
Балалар: - Қос мереке құтты болсын!
- Еліміз өркендей берсін!
- Білімділер көп болсын!
- Бейбітшілік күні жарқырай берсін!
- Тәуелсіздігіміз баянды болсын!
- Мәңгілік ел болайық! т. б.
Бақыт құсы: Көп рахмет, сендерге, балалар! Мереке мерекеге ұласа берсін!
Сау болыңдар!

Балалар: Сау болыңыз!
23 - бала: Біз – еліміздің жас өркеніміз,
Желді керген желкеніміз,
Желбіретер көкте туын
Біз - еліміздің ертеңіміз!
Би «Ерке балалар биі»

24 - бала: Балабақшамыздағы нағыз ерке достарымыз апайларымен бірге келе
жатыр, қарсы алайық! (І сәбилер тобы балалары ортаға шығады)
26 - бала: Ерке достарымыздың тілін тапқан......................... апайлардың
мерекелік құттықтауларын тыңдайық......
Құттықтау сөз 
Би «Бөбектер биі»
27 - бала:................................., жаңа оқу жылының алғашқы қоңырауын соғу сәті де келіп жеткен сияқты.
28 - бала: Несі бар? Онда көп ойланбай алғашқы қоңырау соғу құрметін кішкентай бөбектеріміз....................... (ұл мен қыз) сеніп тапсырайық!
Алғашқы қоңырау соғу салтанаты

29 - бала: Шырылдаған тыным алмай
Қоңыраудың үні қандай!
Мақсатына жете ме адам
Оқу оқып, білім алмай?!
Ғылымның көп тас қамалы
Ғалымдық та асқаралы
Бар білімнің нұр бастауы -
Балабақшадан басталады!

Жеке ән «Күмбірле, қоңырау!» муз: А. Еспенбетова
30 - бала: Мереке тағы да құтты болсын! Қоңырау үнімен жаңа оқу жылының
алғашқы оқу іс - әрекетін бастау үшін тобымызға асығайық.
Шаршамай – талмай білім теңізіне сүңгиік!
Биіктерді бағындырудан жалықпайық!