"Діни қызмет және діни Бірлестіктер туралы" ҚР-ның заңында соттылығы бар адамдар діні қызметке қабылданбайды деген жазу жоқ. Осы заңның 8-бабының 4-тармағында былай көрсетілген:
4. Миссионерлер тiркелу үшiн ("Миссионерлiк қызмет" – Қазақстан Республикасы азаматтарының, шетелдiктердiң, азаматтығы жоқ адамдардың, Қазақстан Республикасында тiркелген дiни бiрлестiктердiң атынан Қазақстан Республикасының аумағында дiни iлiмдi таратуға бағытталған қызметi.) уәкiлеттi органның аумақтық бөлiмшелерiне мынадай құжаттар мен материалдарды: 1) паспортының немесе жеке куәлiгiнiң көшiрмесiн; 2) миссионерлiк қызмет аумағы мен мерзiмi көрсетiлген өтiнiштi; 3) дiни бiрлестiктiң атынан миссионерлiк қызметтi жүзеге асыру құқығына дiни бiрлестiк берген құжатты; 4) миссионер өкiлi болып табылатын дiни бiрлестiктi Қазақстан Республикасында мемлекеттiк тiркеу туралы куәлiктiң және оның жарғысының көшiрмесiн; 5) миссионерлiк қызметке арналған дiни әдебиеттi, дiни мазмұндағы өзге де ақпараттық материалдарды, дiни мақсаттағы заттарды ұсынады.
Яғни осы құжаттардың ішінде сотталмағандығын растайтын құжат талап етілмейді. Дінтану сараптамасы деген болады. Ол дегеніміз жоғарыдағы құжаттарды тапсырғаннан кейін қызметке алу үшін сараптама жасайтын органның қызметі. 8-баптың 5-тармағында "Миссионер ретiнде тiркеуден өту үшiн құжаттар ұсынған Қазақстан Республикасының азаматтарын, шетелдiктер мен азаматтығы жоқ адамдарды дiнтану сараптамасының терiс қорытындысы негiзiнде, сондай-ақ, егер оның миссионерлiк қызметi конституциялық құрылысқа, қоғамдық тәртiпке, адамның құқықтары мен бостандығына, халықтың денсаулығы мен имандылығына қатер төндiретiн болса, тiркеуден бас тартылады." деп көсетілген. Демек , дін қызметкері болуды сараптама қорытындысы шешеді.
