Сіздің сұрап тұрғаныңыз, сөз жоқ, MPAA (Motion Picture Association of America) белгісі. Бұл – ата-аналарға балаларының көруіне болатынын немесе болмайтынын анықтауға көмектесетін рейтинг жүйесі. Оның мынандай түрлері бар: 1. G рейтингі— жасқа шектеу қойылмайды, яғни аталған фильмнің өне бойында балалардың психикасына әсер ететін көріністері жоқ фильмдерге берілетін рейтинг. Ол отбасыға арналған классикалық комедиялар мен мультфильмдерге беріледі. 2. PG рейтингі— ата-аналардыңтарапынан қадағалауды талап ететін фильмдер. Картинаның кейбір көріністерін ата-аналар балалары көруіне болмайды деп есептеуі мүмкін, бірақ фильмде есірткі пайдаланатын, сексуалды эпизодтар мен көріністер мүлдем болмайды. PG рейтингі хоррор немесе триллер жанрындағы фильмдерге ешқашан берілмейді. 3. PG-13 рейтингі— 13 жасқа дейінгі балаларға көруге тыйым салынған, экранда зорлық-зомбылық және жалаңаштану көріністері болмағанымен, есірткімен байланысты эпизодтар мен секспен байланысты сөздер кездесуі мүмкін. 4. R рейтингі— 17 жасқа дейінгітұлғалар үшін ересектердің қадағалауы міндетті, себебі онда сексуалды көріністер, есірткі пайдаланумен байланысты эпизодтар, боқтық сөздер, зорлық-зомбылық бейнелер кездеседі. 5. NC-17 рейтингі— 17 жасқа дейінгі тұлғалар үшін көруге тыйым салынады. Фильмде өте ашық сексуалды сәттер, аса ауыр зорлық-зомбылықтары бар эпизодтар мен сәйкес слэнгтер кездесуі мүмкін, бірақ ол біржақты әдепсіз немесе порнографиялық фильм дегенді білдірмейді. Дегенмен кинотеатрлар NC-17 рейтингіндегі картиналарды алмауға тырысады, сондай-ақ ол фильмдерді бұқаралық ақпарат құралдарында жарнамалауға тыйым салынады. Ақпарат http://www.alashainasy.kz сайтынан алынды.
