Бір жігіт бай досының үйіне келеді. Екеуі бір жаққа бірге бармақшы болады.
– Қазір жол-жөнекей банкоматы бар жерге тоқташы, біраз ақша алып алайын деп едім.
– Менен ала сал.
– Өй, саған қарыз боп жүргенше...
– Үйде банкомат бар дегенім ғой...
Емханада:
– Дәрігер, адам мәңгілік өмір сүре ала ма?
– Иә, қаласаңыз ол жағынан көмектесе аламыз...
МАИ қызметкері бір көлікті тоқтатады. Рульде семіз біреу отырады.
– Қауіпсіздік белбеуін неге тақпағансыз?
– Көріп тұрсың ғой, қарныма жетпейді...
Сот залында:
– Сіз не үшін көршіңіздің мысығын өлтірдіңіз?
– Менің итім ол мысыққа күні-түні арсылдап үре беретін, үре беретін. Тіпті құлаққа тыныштық жоқ болып кетті. Енді итімді өлтірмеймін ғой...
Кешке жұмыстан келген ата-анасы баласына:
– Мына кітаптардың барлығын неге ашып-ашып қойғансың?
– Енді, өздеріңіз ғой, «өмірі кітаптың бетін ашпайсың» дейтін...
Сұрақ-жауап:
– Журналист болу үшін алдымен не істеу керек?
– Эстрада әншісі болуың керек.
Бір науқас дәрігерден сұрап тұр:
– Егер, өзіңіз ауырып қалсаңыз, осы емханада-ақ емделетін шығарсыз?
– Жоқ, бұл жерде нашар қарайды ғой...Екі жас келіншектің әңгімесінен:
– Үй ішінде ыдыс-аяқ сылдырламас үшін не істеу керек?
– Пластикалық ыдыстарды қолданған дұрыс.
Емханада. Науқас дәрігерге:
– Мына дәріңіз тура у сияқты ғой, осыны күнде ішуім керек пе? Егер дұрыс емі болмаса басшылыққа шағымданамын.
– Осы дәріні алып кеткендердің арасынан осы уақытқа дейін әлі ешкім шағымданып келген емес...
Әріптес жігіттер әңгімелесіп отыр:
– Осы бастық саған неге сонша ұрса береді?
– Туған ағам болған соң өзімсінетін шығар...
Күйеуі әйеліне:
– Жаным, қолыңды ербеңдетіп билемей-ақ қойшы.
– Онда тұрған не бар?
– Билемеші, өтінемін, музыканы да өшірейік...
– Не болды сонша?
– Одан да рульге ие болшы....
Жазушының үш түрі болады:
1.Нағыз жазушы. 2. Арыз жазушы. 3. Бас жазушы.
Мұғалім оқушыға:
– Сен бірнеше кітабы шыққан ақынның баласысың ғой. Келесі сабаққа дейін әкеңнің бір өлеңін жаттап кел.
Арада бір-екі күн өтеді. Мұғалім:
– Неге жаттамағансың?
– Бірде-бір тәуір өлең таппадым ғой...
Көше бойында қайыршы отыр Алдында:
«Қадірлі қайырымды жандар, беретін ақшаларыңызды банктегі мына есепшотқа аударуларыңызды сұраймын» деген есепшот нөмірі жазулы тақтайша тұр.
Қылмыс хроникасы:
«Кеше біреу күлкіден жарылып өліпті. Қазір бұл жарылысқа қандай террорлық ұйымның қатысы бар екендігі анықталып жатыр».
Екі жігіттің әңгімесінен:
– Қашан үйленесің?
– Жүріп жүрген қызым несиесінен құтылып болсын.
Бір келіншек кішкентай нәрестесін дәрігерге алып келеді:
– Балам бақырып жылай береді, жылай береді...
Дәрігер баланы ары қарап, бері қарап, денсаулығынан кінәрат таппайды.
– Мына «Памперсті» қашан кигізіп едіңіз?
– Өткен аптада ғана.
Әкесі баласына ұрысып тұр:
– Жалқаусың, не өз ойыңды ашық білдіре алмайсың, айтқаныңның бәрі өтірік. Мына түріңмен өскенде кім боласың?
– Депутат болам!
Көз дәрігері:
– Оң жақ көзіңізді жауып, алғашқы қатардағы әріптерді оқыңыз.
– ...
– Сол жақ көзіңізді жауып, оқыңыз.
– ...
– Мүлдем көрмейсіз бе?
– Жоқ, көріп тұрмын, оқи алмай жатырмын.
Жүргізуші жолдағы малды қағып кетіпті. Полицей:
– Малды айналып өтуге болмады ма?
– Айналып жүруге бензинім жетпей қалар деп ойладым.
Көше бойында отырған қайыршының мойнындағы жазу
<1,2,5,10,20 теңгелер қабылданбайды>
Екі жігіт:
– Көшеде бір қызбен таныстым да, танысқан бойда ренжісіп қалдым.
– Қалай сонда?
– Ол менен жасының нешеде екенін табуды өтінді.
– Содан?
– Мен дәл таптым: 35-те екен!
Екі келіншек:
– Бетің көкпеңбек болыпты ғой, күйеуің тағы себепсіз ұрды ма?
– Жоқ, бұл жолы себебі болды...
– Қарындас, әдепті қыздар күнде таңертең не істейді?
– Білмедім.
– Өзім де ойлап едім сені әдепті емес шығар деп...
Бойжеткен көшеде тұрған жігіттерден шылым сұрап жатыр:
– Әдемі аруға бір тал шылым бересіздер ме?
– Ол қайда? Неге өзі келіп алмайды?
Әйелі:
– Мен онша әдемі емес сияқтымын. Маған бір комплемент айтшы...
Күйеуі:
– Сен өзіңді дұрыс бағалай білесің.
– Дәрігер, біз қайда бара жатырмыз?
– Мәйітханаға...
– Мәйітханаға?!! Мен өлген жоқпын ғой?
– Асықпаңыз, біз әлі жеткен жоқпыз.
– Кеше қызық болды, әйелімді бір французбен бірге көрдім!
– Не дедің оған? – Не дейін, мен мектепте ағылшынша оқыдым ғой.
