Дiнiмiзде қасиеттi саналған күндер бар. Мысалы, екi айт күндерi, жұманың күндiзi мен түнi.
Рамазан айының күндiзi және түнi қасиеттi болып есептеледi. Рамазанның iшiнде, әсiресе соңғы он күндiгi ерекше қасиетке ие. өйткенi, бұл кештерде адам баласының бiр жылдық тағдыры белгiленетiн Қадыр түнi бар. Қадыр түнiнде Аллаһ Тағала дүние аспанына Қасиеттi Құран Кәримдi түсiрген.
Қадыр түнiнде Қыдыр атаны күтемiз деудiң ешқандай дiни негiзi жоқ. Бұл аңыз. Мұсылмандар бiреудi күтiп емес, аятта бұйырылған ғибаттарын жасап сауап үмiтiмен өткiзгендерi дұрыс.
Қадыр түнi Аллаһ Тағаланың разылығы үшiн жасалған әрбiр халал iс - құлшылық болып есептеледi. Бiлiм iздену, намаз, Құран оқу, сабаққа дайындалу, осының барлығы халал, құлшылық.
"مَنْ قَامَ رَمَضَانَ إِيمَانا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ وَمَنْ قَامَ لَيْلَةَ الْقَدْرِ إِيمَانا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ"
“Кiм Рамазан айының оразасын шын иман және ықласпен ұстаса, әрi Қадыр түнiн шын иман және сауап үмiтiмен өткiзсе оның бұрын iстелген күнәлары кешiрiледi.”
Хадистi Әбә һурайрадан (р.л.ғ.) Имам Насаи риуаят еттi.
"عَنِ ابْنِ عُمَرَ رَضِيَ اللهُ عَنْهما، أَنَّ رِجَالاً مِنْ أَصْحَابِ النَّبِيِّ صلى الله عليه وسلم أُرُوا لَيْلَةَ الْقَدْرِ فِي الْمَنَامِ. فِي السَّبْعِ الأَوَاخِرِ. فَقَالَ رَسُولُ اللهِ صلى الله عليه وسلم: "أَرَى رُؤْيَاكُمْ قَدْ تَوَاطَأَتْ فِي السَّبْعِ الأَوَاخِرِ. فَمَنْ كَانَ مُتَحَرِّيَهَا، فَلْيَتَحَرِّهَا فِي السَّبْعِ الأَوَاخِرِ"
“Сахабалардың бiр тобына түстерiнде Қадыр түнi көрсетiлiп, ол Рамазан айының соңғы жетi түннiң бiрiнде болатыны аят етiлгеннен кейiн Расулуллаһ (с.ғ.с.): “Мен сендердiң көргендерiң Рамазан айының соңғы жетi түнiнде ұштасатынын көрiп тұрмын. Сондықтан, Қадыр түнiн iздеген адам, оны Рамазан айының соңғы жетi күнiнен iздесiн”, – деп айтты.”
Хадистi Ибн Омардан (р.л.ғ.) Имам Бухари және Имам Муслим риуаят еттi.
"عن عائشة رَضِيَ اللَّهُ عَنها قالت: كَانَ رَسُول اللهِ صَلَّى اللهُ عَلَيهِ وَسَلَّم يُجَاوِرُ فِي الْعَشْرِ الأَوَاخِرِ مِنْ رَمَضَانَ وَيَقُولُ: "تَحَرَّوْا لَيْلَةَ الْقَدْرِ فِي الْعَشْرِ الأَوَاخِرِ مِنْ رَمَضَانَ"
“Расулуллаһ (с.ғ.с.) Рамазанның соңғы он күндiгiнде мешiтте өткiзiп: “Қадыр түнiн Рамазан айының соңғы он күндiгiнен iздеңдер”, – деп айтатын.”
Хадистi Айша анамыздан (р.л.ғ.) Имам Бухари және Имам Муслим риуаят еттi.
"كَانَ رَسُولُ اللهِ صَلَّى اللهُ عَلَيهِ وَسَلَّم يَجْتَهِدُ فِي رَمَضَانَ مَا لاَ يَجْتَهِدُ فِي غَيْرِهِ، وَفِي الْعَشْرِ الأَوَاخِرِ مِنْهُ مَا لاَ يَجْتَهِدُ فِي غَيْرِهِ"
“Расулуллаһ (с.ғ.с.) айлардың iшiнде Рамазан айында, әрi Рамазан айының соңғы он күндiгiнде құлшылыққа ерекше ыждағаттылық бiлдiретiн.”
Хадистi Айша анамыздан (р.л.ғ.) Имам Муслим риуаят еттi.
Қадыр түнi оқылатын дұға
"عَن عَائِشَةَ قَالَتْ:"قُلْتُ: يَا رَسُولَ اللهِ! أَرَأَيْتَ إِنْ عَلِمْتُ أَيَّ لَيْلَةٍ لَيْلَةُ الْقَّدْرِ مَا أَقُولُ فِيهَا؟ قَالَ: "قُولِي: اللَّهُمَّ إِنَّكَ عَفُوٌّ تُحِبُّ الْعَفْوَ، فَاعْفُ عَنِّي"
“Мен: “Я, Расулуллаһ (с.ғ.с.)! Мен Қадыр түнi болғанын бiлсем, не деп айтамын?”, – деп сұрағанымда, Ол (с.ғ.с.): “Я, Тәңiрiм! Сен кешiрiмдiсiң және кешiргендi жақсы көресiң. Менi ғафу ет!”, – деп тiле”, – дедi.”
Хадистi Айша анамыздан (р.л.ғ.) Имам Тирмизи риуаят еттi.
www.uagyz.kz сайтынан
