Көркемтай, анау атты бағбан емеспін, бірақ осы бір көктемгі үсік деген соңғы жылдары талайларды мазалап жүрген болар деген оймен өз тәжірбиеммен бөліскім келді.Менің де екі түп өрігім бар,екеуі де абрикос, тамаша дәмді, үлкендігі шабдалыдай боп қалады-ау(мақтанып кеттім-ау деймін). Қысымен түбіне қар үйіп отырамын, әлсін-әлсін үстіне су шашып мұз қылып қатырып та отырамын. Пайдасы бар, өріктің бойын суық шалып көктемде кешірек гүлдейді, әрі балаларға сырғанап ойнауға жақсы))). Өрік талы үйіңіздің көлеңке тұсында болса тегі жақсы, онда мұз көктемде де біраз ерімей жатады да,өріктің гүлдеуі 20-25 күнге дейін кешеуілдейді. Одан өрік ағашына еш зиян жоқ. Әрине бұл жағдай әр аймақтың өзіне тән ауа-райымен байланысты болуы әбден мүмкін.
