Нұрсұлтан Назарбаев, Қазақстан Республикасының президенті:
- Жалпы, мен Үкімет пен Ұлттық банктің жаңа зейнетақы заңнамасын халыққа түсіндіру жөніндегі жұмысына оң баға бере алмаймын. Біріншіден, осындай өте маңызды әлеуметтік заң жобасы немқұрайлы қаралды. Екіншіден, оны халыққа кеңінен насихаттау ісі дұрыс жүргізілген жоқ. Нәтижесінде, қазақстандықтардың көбі зейнетақы реформасының түпкі мәнін түсінбей қалды.
Еңбек және халықты әлеуметтік қорғау министрі Серік Әбденов қызметінен босатылды. Тиісті жарлыққа президент қол қойды. Үкіметтегі ең жас министр зейнетақы реформасын халық арасында насихаттауда мүлт кеткен сыңайлы.
Президент өкімімен министрдің міндетін уақытша атқару Тамара Дүйсеноваға жүктелді.
(c) БАҚ
