Арман мен ақыл.
Қадыр Мырза-Әли
Шіркін-ай, күйші болсам,
Бал тамған бармағынан.
Шіркін-ай биші болсам,
Шығып бір арманымнан.
Шіркін-ай әнші болсам,
Кәдімгі күміс таңдай
Шіркін-ай батыр болсам
Айбаты арыстандай
Шіркін-ай ғалым болсам,
Тідескен даналықпен
Әлемге мәлім болсам
Ашқан көп жаңалықпен.
Көзіңнен күлімдеген
Бір ұшқын сезіп пе ең сен?
Алдымен білім деген
Бәйгеден озып келсең
Актердің, ақынның да
Жанына ғылым қорек
Бүгінде батардың да
Өзіне білім керек.
Оқудың озатына
Арман да таяу болар
Білімнің боз атына
Мінбеген жаяу қалар
