Міне жазбаша нұсқасы. Бүгін - Ұлттық біріңғай тестілеудің екінші күні.
Еліміз бойынша 70 пунктте 22 413 түлек бағы мен бабын сынады. Ал кеше еліміз бойынша 56 пунктте тестілеу өтіп, оған 24 149 түлек қатысқан.
Мектеп бітірушілер тарапынан тәртіп бұзушылық әрекеттер болған. Үш адам бөгде біреудің орнына кіргендіктен, дәрісханадан шығарылған. Тексеріс кезінде 551 ұялы телефон, 1 749 шпаргалка, 21 калькулятор, 4 фотоаппарат, 2 рация тәркіленген.
Жалпы алғанда, алғашқы күндегі орташа балл 75-ті құраған. Өткен жылмен салыстырғанда, көрсеткіш 4 баллға ұлғайған. 6 368 түлек ҰБТ-ның ең төменгі деңгейіне жете алмаған. Әзірге 125 балл жинағандар жоқ.
Ал, 100-ден астам балл - 2 743 түлекте.
Алғашқы сынақ күні ең жоғары көрсеткіш - 124 баллды Тараз қаласынан Назира Балташева мен Алматы қаласынан Алтынай Орынбаева алды. Айта кетейік, ҰБТ еліміз бойынша 9 маусымға дейін жалғасады.
Samat_S
пікір
