Қап, ана сабақты жазып тастау керек еді, барып кешегі пісірген макаронды жеп алу керек еді, ана киімді үтіктеп жіберу керек екен ғой, Ерланға үй тауып берем деп уәде берген екенмін ғой, ойлап жүрген ана жұмысты жасап тастау керек сосын....Қап, жақсы, кейін істермін, ешқайда қаша қоймас". Бұл көпшілігіміздің басымызда күніне бірнеше рет айналып жататын ойлар. Бір қызығы бұл кейіннің ешқашан шегі болмайды. Көп жағдайда бүгін істелуі керек нәрсе өте кеш орындалады. Кей жағдайда орындалуы тіпті бұйырмай кетеді.
Осылайша өзімізді бір, өзегін екі сан соқтырып, өкінтеміз. Бұл еріншектік деген бәледен құтылудың жолы бұл өмірде бар болса құтылу керек қой. Әйтпесе бұл қасиет түбімізге бір күні жетер.
Енді массагеттіктерге өмірдің қара қазанында қайнап, бірнеше рет тәжірибеден өткізілген еріншектіктен құтылудың бірер амалдарын ұсынып көрелік.
Ол былай... Өзімізді жөндеудің екі түрі бар. Бірі жай, жылы сөз. Екіншісі қатты сөз, дөрекі ой. Бір бірлеп тоқталайық.
1. Жақсылықпен көндіру. Орындалатын іс әлбетте біздің пайдамызға жарап, өмірімізді аздап болса да жақсы жаққа өзгертеді. Сондықтан ойша іс істелгеннен кейін келетін жақсылықтар мен жайлылықты миыңызда айналдырып, ойланыңыз. "Бұл істі жасап тастасам, Ерланнан алғыс алам, маған рахмет айтады, жұмысымды қазір істеп тастатам мына адамға пайда келтірем, өзім де дамимын, жетістікке жетемін" деген секілді позитивке толы ойларды ойлап, өзіңізге мотивация беруге талпынып көріңіз. Және келетін жақсылықтың әрбір деталіне назар аударып ойланыңыз.
2. Жай сөзге түсінбейтін, "қыңыр" адам болсаңыз, онда сізбен басқаша сөйлесуге тура келеді. Еріншектігіңіз иығыңызға әбден мініп, басынып, "кетем" демесе, негатив арқылы мотивациялануға тырысу керек. Ол істі істемесеңіз, Ерланның сізден көңілі қалып, "лақтырбай" деген ат тағатынын, өміріңіздің күңгірт күйге енетіндігін, өмір бойы пәтер жалдап өтетіндігіңізді ойлап өзіңізді қорқытып көріңіз. Көмектесуі керек.
3. Бұл көмектпесе... Онда сізбен тіптен басқаша сөйлесу керек. Ондай жағдайда көмектесетін ең жақсы әдіс - тұрып істеп тастау. Иә, бір секунд та іркілмей, ойланбай, "бес минут жата тұрайыншыны" ысырып, тұрып, істеп тастау! Тұр, бар, істе! Болды! Ойланба! Сөйлеме! Алдыңғы екі тәсіл көмектеспесе ең дұрысы осы. 100 пайызға жұмыс жасайды
