Қардың түсі аппақ. Қазақ Ардың түсін де аппаққа балайды. Жаратушы да қарды дәл ақ түспен жаратыпты. Күйкі тірлікте сізді бір сәт болсын қардың түсі неге ақ болатыны ойландырып көрді ме екен? Әлде біз жалғанның әрбір жарығын табыс табуға ғана негіздеп, аштан қалмау керектігін желеу етеміз бе? Иә, Алла қардың түсін қызыл-жасыл немесе сары еткен жоқ. Ақ болуын ұйғарған. Шебер құдайдың сықырлаған аппақ қарын басып келе жатып, «қабірге жеткенше осынау қардай кіршіксіз жан-дүниемен өмір сүре алар ма екенбіз?» деп ойланып келе жаттым. Адамдар өздері қолдан жасайтын саясат, қоғам, ақша, қылмыс пен арсыздық сынды нәпсілердің жиынтығын көріп тұрса да, қардың түсі басқа түске енген жоқ. Табиғат өз функциясын мүлтіксіз әрі дәлме дәл уақытысында адал атқарады. Айталық, жазыңыз түрлі-түсті, көктеміңіз көк, күзіңіз сары, қысыңыз қатал әрі тәнімізді жауратса да, оның түсі ақ күйінде қалады. Ақ түс, ақ қар! Аппақ қарды қарбытып жеген бала күндерім мен қардың дәмі жадымда өшпестей жатталып қалыпты. Бірақ, дәл қазір қарды олай асап жей алмайдыекенмін. Ұмтылсам да. Бірақ әңгіме қардың дәмінде емес, түсінде. Адам жаны көктемдейкөгеріп, өніп тұрса, күздей салмақты, сабырлы болып тұрса, жаздай жайдары қағып жүрсек, табиғат та бізге өкпесін арта қоймас. Біз Жаратушының теңдессіз шығармаларын санасыздықпен, есірік пиғылмен қаншасын құртып алдық. Арал кетті тартылып, Семейдің жері жатыр тұншығып. Табиғаттың көркі мен сәнін ашатын аң-құстардың қаншамасы «Қызыл кітаптың» құшағына еніп кетті. Тізбелей берсек көп.Жаралы барыстай ыңыранған Жер-Ананың төсінде пенде баласы шарасыз болса да, ішкіөктемдігі пен тәкаппарлығының мөлшерін өлшей алмайсыз. Соның салдарынан тіршілігін толассыз атқарып келе жатқан табиғаттың ауытқуынаықпал ететіндер «тісін батыруын» қоймайды-ақ. Бала кезімнен табиғатпен сөйлескенді жанымдай жақсы көретінмін. Есейсем де, еңселі қаланың қалың құшағында жүрсем де, қыстыққан жаным Арқаның аязынан медет табатындай. Адам өмірі төрт мезгілдің қызығы мен шыжығы арқылы өріліп жатады ғой. Қараңыз, экватор бойындағы көптеген елдің тұрғындары аппақ қардың бірде бір түйіршігін көрмей өтіп жатады емес пе?! Өмір қызық. Елорданың қысының жайбасар, салмақты мінезі барсияқты. Бұлай дейтін себебім, өзім жылы аймақтанмын. Содан ба, соңғы жылдары Оңтүстікте қыс деген аты болғанымен жөнді қар жаумайды. Қарды тек таулы аймақтардан көресіз, ал орталықта қаңтардың өзінде жердің шаңы шығып жатады. Бұрындары Оңтүстіктің жазы жаздай, қысы қыстай, көктемі көктемдей болатын. Табиғат та тәспісінен жаңылғандай, бұл құбылысқа іштей алаңдамасыңа болмайды. Бұл ойлар неден шықты? Жақындабір таныс апайым телефон соқты. АРЫ ҚАРАЙ: http://maibulak.kazjur.kz/2011/08/19/%D2%9B%D0%B0%D1%80%D0%B4%D1%8B%D2%A3-%D1%82%D2%AF%D1%81%D1%96-%D0%BD%D0%B5%D0%B3%D0%B5-%D0%B0%D2%9B/
