Бұл мақаланы жазуға шабыттандырған, жұмыстағы бір шопыр кісі. Шопыр болғандықтан, жұмыс бабымен арылы-берілі жүргенде бір көліктің ішінде кейде бірнеше сағат бірге отыруға мәжбүрмін. Сағат түгіл, бірнеше минут сол кісімен бірге отыру, мен үшін үлкен сынақ екенін де айтайын. Бәріне кінәлі, ол кісінің арамдығы, немесе адамгершіліктен жұрдай болуы емес. Тіпті көлікті дұрыс айдай алмайтындығы да емес. Бәріне кінәлі, өздерің шырамытып отырғандай, ағайымыздың жағымсыз қолтық қолаңсасы мен ащы шуаш иісі. Ол қанша сыпайы, иманды, инабатты болса да, амалсыз тыжырынып, әңгімесін тыңдамақ түге, оның бағытына бетіңді бұрғың да келмей, терезені ашып, лоқсуға сәл-ақ қалып отырасың.
Ал енді ойланып көрелік, егер сіз де осыншама ішкі дүниеңіздің байлығымен, өзіңіздің тері иісіңізді сезбей біреуде осындай құсу рефлексін тудырсаңыз, не деген масқара десеңші!?
Көп адамдар өздерінде жағымсыз иіс бар екенін, өзге түгіл өзіне де мойындағысы келмейді… Сонымен тері иісіне байланысты ескеретін жайлар:
1) Бұрын жоқ еді, біреуден иіс жұқты деген сылтауды қойыңыз. Кімнен жұқса да, тырысқан адам пайда болған иістен құтыла алатынын есте сақтаңыз.
2) Біреудің киімін, әсіресе аяқ киімін киюші болмаңыз. Тіпті жеңіл сүйретпе болса да. Жалаңаяқ көбірек жүріңіз. Шұлықты күнде ауыстырыңыз.
3) Мақта, жүн, шыт сияқты ауа өткізетін матадан жасалған киімдерді киюге тырысыңыз, синтетикалық киімдер бактерияның көбеюін жылдамдатады.
4) Дені сау адамның барлығы дерлік терлейді.Бірақ иісті тудыратын негізінен бактериялар. Орташа адамға тер иісі болмау үшін күнделікті шайынып, бактерияға қарсы сабынмен себепті жерлерді жуып тұрса жеткілікті.
5) Дезодорант қолаңсаны емдемейді. Тек 6-7 сағатқа иісті басады. Дезодорантты тек таза, құрғақ денеге себу керек.
6) Әсіре көп терлейтін адамдарға дезодорант-антиперспирант қолданған дұрыс, ол иісті жасырып ғана қоймай, тер бездерінің жұмысын тежейді.
7) Кейбір адамдардың иісі жуынса да кетпейді. Оларға жалбыз суының ерітіндісімен жуынуға болады. Кетпесе, міндетті түрде тері дәрігеріне көрін. Дәрігер себебін анықтап, емдеудің дұрыс әдісін таңдайды.
Жазба: http://www.beu.kz/blog/14.html сайтынан алынды.
