Өзін басқамен салыстыру, меніңше жаман қасиет. Жарысу, бақталасу үшін жеістік жасау ол нағыз жетістік емес. Біреуді мақтағанмен, олардың да өз проблемасы бар, жалпы өмірде бәрі рахат деген түсінік жоқ қой. Біреудің "жақсы" болып көрінген дүниесі тек елес қана. Мен айтпаймын, мысалы әлеуметтік статустың нөлдік деңгейі мен ондық деңгейі бірдей деп. Жоқ. Әрине ондық деңгейі жақсы, бірақ ол деңгейде де өз қиыншылықтары бар. Айтпағым, адам барына қанағаттана білу керек. Қанағаттануды қалай түсінемін, ол барына разы бола білу. Қуана білу. Қуанта білу. Жәй бір досыңызға хабарласа салу, әзілдесіп қауқылдасып әңгімелесіп қалу. Бірақ депрессияға, көңіл күйдің түсуіне жол бермеу. Ол жақсылық әкелмейді. Керісінше, қоғам адамды емес, адам өзін өзі қоғамнан алшақтата береді. Кінә өзінде болса да, оны басқадан іздейді. Ақиқатты мойындап, алға қарай өз күшімен ұмтылмайынша, көңілі орнына түспейді. соның себебінен жалған күледі, дұрыс жарасымды ойнап күле алмайды, адамдардың шын ықыласы мен сыйластығына лайықты бола алмайды.
Менің ойымша, барлығы адамның қолында. Алла тағаланың барына да шек келтірмеймін. Жаратқанымыз маңдайға жазды дегенге сенгім келмейді. Керісінше ниет, қуат, рух, махаббат, сезім, ерлік, адалдық сияқты жақсы және оған қарама қарсы сезімдерді беріп, сынауға жіберді. Ендеше, барлығы өз қолымызда. Әйтпесе дайын жазылған тағдырды жаза салса, сол өмірді сүріп уақыты келгенде кете салсақ, онда не үшін жаратты бізді деген ой келеді.
Қай ел қаншалықты бай болсын, қандай деп жатса да, онда шаруам шамалы. Ақты ақ деп, қараны қара деп мойындай білген, әрқашан алға ұмтылуды ойлау ең қажеттісі осылар.
Жаман қасиетті жақсыға айналдыру деген шеберлік бар. Ең оңайы, біреуге ақыл айту, біреуді сынау, біреу туралы сөз айту. Осыларды жасай отырып, ешкімге айтпай, қағазға жазып, сол жазылғын дүниелерді өз бойыңнан іздеп, қажетті жерлерін бойыңнан табулыуға жұмыс жасап, қажет емесін саналы түрде жеңу жолдарымен жұмыс жасау, абзал іс болар.
Адамның санасы шектеулі ғой. Әркім әрқалай ойлайды. Біреулер айналасын жек көреді, біреулер заманды бұзылған дейді, ал біреулер ол туралы жаман ойлар қаперіне де кіріп шықпайды. Себебі, өзіне сенімді әрі қай жерде алданатынын шамамен алдын алып отыратын, соның арқасында өміріне разы үндемей жақсы өмірін сүріп жүрген адамдар бар. Ондай адамның қылығы екінші адамға бірден әсер етеді де, сол қасиет сенің де бойыңнан табылғанын қалайсың. БАстысы, бұл жерде саналы түрде жұмыс жасау болып қалады.
Дурные мысли, дурные поступки деген сөз бар.
Сөзді қысқартайын. Білемін, тақырыптан алыстап кеттім. Осы жолға дейін оқып отырсаңыз, рахмет айтамын. :)
