Шаш аурулары жалпы асқазан-ішек жолдары, қандағы темірдің жеткіліксіздігінен болады. Көбінесе әйелдерде эндокриндік жүйелердің әлсіздігінен, ерлерде асқорыту жолдарының бұзылуынан түрлі аурулар пайда болады.
Біздің бас терімізде орналасқан шаш екі бөліктен тұрады. Біріншісі – терінің сыртына қарай өсетін шаш талы, екіншісі – терінің астындағы шаш түбірі. Ол қан жүретін тамыр, нерв жүйелері, май бездерімен тығыз байланысты. Егер аталған организм мүшелеріне зақым келсе, шашта түрлі аурулар пайда болады.
Ғылымда шаштың түсуін “алопеция” деп атайды. Қалың және тар бас киімдер теріге салмақ салады, шашқа ауа баруын тежейді. Соның салдарынан шаш түсу процесі басталады. Шаштың түсу себебін анықтау үшін әуелі сараптама жасау қажет.
Негізінен шаштың түсуі тұқым қуалайды. Бұдан бөлек дұрыс әрі уақытылы тамақтанбау, шаш күтіміне мән бермеу, қандағы темір деңгейінің жеткіліксіздігі, гормондық ауытқушылық, жиі күйзеліске түсу әсер етеді. Сондай-ақ, өт жолдары мен асқазан жұмысының бұзылуы, эндокрендік аурулар да шаштың түсуіне себеп.
Толық мәліметті шаш ауруларын зерттейтін трихолог маманның мына сұхбатынан оқып біле аласыз.
