Әйтеуір айтып жатырсыңдар) шынында солай болып жатса, барің де орысша жауап бересіндер ғой... мойындау керек... жалпы қазақшаландыруға көшу үшін кәдімгі қатал ЗАҢ керек! Айыппұл (штраф) салу керек... тәуелсіздік алғанымызға 20 жыл болды, жүрісіміз мынау... "үш тұғырлы тіл" дейміз ғой тағы, қазақ тілі қатырып алмай жатып... Шаханов сиякты бірлі жарым азаматтарымыз ғана шын жаны ашып жүр...
Міне, мынау дәл қазіргі рухсыздану өрісі:
Биліктегі қазақтардың жарымынан көбісі
Ұлтын, тілін менсінбейтін мәңгүрттерден құралған,
Енді олардан ұлтты қорғау – бәрімізге ұлы арман.
«Үш тұғырлы тіл» қоғамға тосын әрі қасаңдау,
Мемлекеттік тілге зорлап екі тілді қосарлау,
Нәрестеге бірден үш тіл үйретпек боп «шошаңдау» –
Оның ана тілге деген махаббатын асарлау
Және педагогтік оғаш қателіктен қаша алмау.
Жапондарда әр жас буын он екіге келгенше
Ана тілде тәлім алар, ана рухы жеңгенше.
Сонан кейін тіпті жүз тіл меңгерсең де өз еркің,
Қашан туар екен бізге ана парқын сезер күн?
Кей мәңгүрттер ұлтын жою үшін жанын салуда
Кім кедергі бізге олардың табиғатын тануға?
Ұлтсыздану бағаланып мүлде жаңа табысқа,
Базбіреулер қазақ халқын айналдырмақ орысқа.
«Американдық ұлтты» ендірсе көнбіс қазақ жеріне,
Кей беделді топ оларды шығарады төріне.
Бұрын жалғыз ислам діні шуақ шашса еліңде,
Қазір төрт мың дін бөлшегі ие болды сенімге.
Ұлтты жояр бұл екі істің сәулеленіп астары,
Жұрт ерлік пен сатқындықты шатастыра бастады.
Мәңгүрттіктен бақыт тапты ұлтсыз, рухсыз көп құлдар...
Ұлтын, тілін сүймегеннің барлығы да сатқындар!
Мұхтар аға Шаханов
