Бұл тұрғын үй жағдайларын жақсартуға халыққа тұрақты, дербес кредит беру жүйесі. Банктің барлық салымшылары өздері онда ақша қаражаттарын жинақтайтын бір Жүйеге біріктірілген. Тұрғын үй заемдары салымшыларға жалпы Жинақтау жүйесінен беріледі. Негізінен алғанда, салымшылар өздерін өзі қаржыландырады, ал Банк тек оператор болып табылады. Сондықтан, тұрғын үй заемдары ең арзан және ең сенімді болып саналады. Жүйе шетелдік валюталы заемдарды пайдаланбайды және сондықтан да өткен жылдар дәлелдеп бергендей, әлемдік дағдарыстардан сақтандырылған. Жүйе бөліп-жарусыз Қазақстанның барлық азаматтарына (тіпті кірісі төмен болса да) өз баспана мәселелерін шешу мүмкіндігін беретіндігімен де бірегей жүйе болып танылады.
