Алыстан көрінетін қызыл қоңыр мұнара ханымның көзіне оттай басылды.Бұлар жақындай түскен сайын асқақ мұнара көкке өрмелей тым биіктеп барады.Түбіне келіп күймеден түскенде,қызыл қоңыр қыш тастан қаланған тас бәйтерек ханымның таң-тамаша жанарынан жарық дүниені қалқалап тұрғандай болды.енді ханым күннен-күнге өзгеріп келе жатқан мұнараны нөкерімен бірге күнде қызықтайтын болды.Мұнара әуелі көгіс тартты.Көкпеңбек мұнара көк аспанның өзімен астасып кеткендей.күні кеше қожырайып тұратын қып-қызыл тас діңгектің орнына аспанды тіреп тұрғандай жып-жылмағай,жіп-жіңішке көк сирақ шыға келіпті.
