Сыны дайын. Сынба және жасыма.
Әрбір сәттен елегізіп күтесің,
Кенет келіп бақ қонардай басыңа.
Өмір деген қарап тұрсаң айнакөл,
Арнасы оның кейде тола, кейде шөл.
Жағалауға толқындары асығып,
Өз-өзіне сыймай тасыр кейде ол.
Өмір деген, өмір деген бір бұлақ,
Бастау алар биік шыңдардан құлап.
Бөлеп сені мұң мен сырға, бақытқа,
Көз алдыңнан ағып өтер сылдырлап.
Өмір деген қысқа сағат тіліндей,
Өте шығар сырғығаны білінбей.
Өлшеулі-ақ сол ғұмырда адамға,
Өмір сүре білу керек сүрінбей.
Ей, адамзат, өміріңді бағала,
Алға ұмтыл, өткенді аңсап қарама.
Екінші рет берілмейді сондықтан,
Құр қайраңдап қалма бекер жағада!
