Құбыла бағытын анықтау?

Question

Үйімде құбыла бағытын қалай анықтасам болады? Оңтүстік батысқа қарасаң жаңылмайсың деп отыратын еді әжеміз. Құбыла бағытын анықтайтын видео немесе қосымшалар бар ма екен?

Күніне бес уақыт намазыңызда бағдар етіп алатын құбыланы дәл анықтау кейде қиындық тудырып жатады. Мысалы, күн райына байланысты, т.б. жағдайлар. Енді бұл мәселеде мұсылмандар алаңдамаса да болады.

Ұдайы жаныңыздан табылатын қалта телефоны арқылы құбыланы оп-оңай анықтауыңызға мүмкіндік бар: Android-та Qibla Finder деп аталатын Google қосымшасын қоссаңыз болды.

Бұл жайында Mashable ақпарат көзі хабар таратты. Аталған қосымшаны орнатып, іске қоссаңыз болды – телефоныңыз арқылы қайда тұрғаныңызды анықтап аласыз да мобилді девайсты жан-жағыңызға айналдырасыз – фокуста қасиетті Қағба бейнесі шыққанша бұл әрекетіңізді жалғастыра бересіз.

Answer 1

https://play.google.com/store/apps/details?id=com.bogazsoft.prayertimekz&hl=ru

Осы қосымшаны орнатып алсаңыз болады. 

Құбыланың бағыты ауысып тұрмайды.

Құбыланың бағыты адамдардың тұрған қалаларына қарай әртүрлі болады. Мысалыға, Қазақстанның шығыс жақтары және оңтүстік аймақтары намаздарын батысқа және оңтүстік-батысқа қарай оқиды. Каспий бойы аймақтары көбірек оңтүстікке бұрылады.

Намазды Қағбаға қарап оқу парыз. Қасиеттi Мекке қаласында орналасқан Қағба ғимаратының бағытын Құбыла деп атайды.

Құбыла – Қағбаның ғимараты емес, оның тұрған жерi, яғни жерден аспанға дейiнгi сол аралықты құбыла деп атайды. Сондықтан, теңiз және құдық түбiнде, биiк тауда және ұшақта осы бағытқа бет бұрып оқылғанда құбылаға қарап оқылған болып саналады. Адамның екі көз қыры арасындағы бұрыш Қағба бағытына сай болса, оқылған намаз сахих (дұрыс) болады.

Answer 2

Сол жағыңды Күн шығатын жаққа, оң жағыңды Күн бататын жаққа қаратасың, сонда тіке алдыңдағы оңтүстікті  Құбыла деп есептеп намаз оқуға болады. Құбыла негізі Қағба, бірақ Меккеден 100 шақырымнан асқасын дәл Қағбаға емес Мекке қаласына қарап оқыса болады.
Егер точно керек болса, онда, оңтүстіктен сәл ( 14 градус) батысқа қарай бұрыласың.

р.s Ғалымдар Меккеден қашақта орналасқандар Құбыладан 15 градус оңға, 15 градус солға қателессе айып емес деп санаған.

Comments

Мен басқа Республиканың азаматтарына жауап беріп жатқан жоқпын. Картаға қараңыз: Қазақстан Республикасында тұрып оң жағыңызды Батыс жаққа(картада Еуропа), сол жағыңызды Шығыс жаққа (картада Жапония) қаратсаңыз алдыңыз оңтүстік, артыңыз солтүстік болады. Егер оңтүстіктен сәл батысқа қарай бұрылсаңыз Мекке орналасқан Сауд Арабиясына қарайсыз ( картаға қараңыз)

zhanbai92 13.10.2012 пікір

---

Енді ол солай ғой, жауабыңызды нақтыламайсыз ба (Қазақстанда тұратындарға деп (ондада қай облыс тұрғындарына деп, бірақ онда да қателестіңіз, мыс: Алматы мен Атыраудың арасында көөөп айрмашылық бар, градуспен есептесек)

vvvwww 14.10.2012 пікір

---

Құбыла Өзбекстанда болса айырмашылық көп болар еді, бірақ біз Мекке жайлы айтып жатырмыз. Ол қашықта болғандықтан ондай көп айырмашылық жоқ. Және мен жоғарыда айттым, міндетті түрде Қағбаға емес, Меккеге қарап оқысада болады деп ғалымдар рұқсат берген.

zhanbai92 14.10.2012 пікір

---

Ең дұрысы, оңай жолы тұрып жатырған елді-мекеніңізде мешіт қақпасы(есігі) қайда қарап тұрса, сол бағыт құбыла болып табылады.

БАУКА_КОСАЙ 14.10.2012 пікір

---

Баука бұл өтірік, себебі біздің ауданда тек 2 мешіт бар. Олардың 2-де әр жаққа қарап тұр!

Белгісіз 14.10.2012 пікір

---

Ия мен қателескен болам, сендердікі дұрыс. Бізге солай айтушы еді мешіт имамдары. Өтірікке шығарма менікін, кімдікі дұрыс екенін құдай білсін.

БАУКА_КОСАЙ 14.10.2012 пікір

---

негізі дін туралы талас-тартыс болмауы керек бұл сайтта. Сайттың ережесінде солай жазылған. Егер білгіңіз келсе http://surak.kattani.kz/ осы сайтқа тіркеліп сұрағыңызды қоя беріңіз!

Белгісіз 15.10.2012 пікір

Answer 3

оңтүстік батысқа қарасаң жаңылмайсың деген әкем.

Answer 4

егер бұл көмектеспесе күн бататын жақты анықтап 20 градус солға бұрыл (Есіңізде болсын аяқты ешқашан құбылаға қаратып жатпайды) Ниетіңіз қабыл болсын!