Сендерге қандай нақыл сөздер ұнайды?

Question

Өткірдің жүзі, кестенің бізі ӨРНЕГІН СЕНДЕЙ САЛА АЛМАС...

Answer 1

1. Істі құпиялау — Құдайдың даңқы,

Оны зерттеп ашу — патшаның даңқы.

2. Кім өзін жұрттан артық санас, сол ақымақ.

3. Адамның басшысы - ақыл, шолушысы-ой, жетекшісі-талап, қорғаушысы-сабыр, сынаушысы-халық, таусылмайтыны-арман, ең қымбаттысы-ар сақтау, бәрінен ардақтысы-өмір сүру, соның ішінде ең тәттісі-сыйластық.

4. Сенбе ешкімге, тұрса да қанша мақтап,
Қор қылады, қулығын ішке сақтап.
Өзіңе сен, өзіңді алып шығар,
Ақылың мен еңбегің екі жақтап

5. Мақсатыңнан көзіңді алсаң, кедергілерді көре бастайсын

6. Ақшаңа  үй сатып алуға болады,
Бірақ та отбасы сатып ала алмайсың.
Ақшаңа сағат сатып алуға болады,
Бірақ та уақыт сатып ала алмайсың.
Ақшаңа төсек сатып алуға болады,
Бірақ та ұйқы сатып ала алмайсың.
Ақшаңа кітап сатып алуға болады.
Бірақ та білім сатып ала алмайсың.
Ақшаңа дәрі сатып алуға болады,
Бірақ та денсаулық сатып ала алмайсың.
Ақшаңа тақ сатып алуға болады,
Бірақ та атақ, абырой,сыйластық сатып ала алмайсың.
Ақшаңа қан сатып алуға болады,
Бірақ та өмір сатып ала алмайсың

7.  Алыстан алаш десе аттанамын,
Қазақты қазақ десе мақтанамын,
Болғанда әкем қазақ, шешем қазақ
Мен неге қазақтықтан сақтанамын!

8. Қарны ашып өзегі талғанда, ешкімге қол жаймай қорек тауып ішкен адамды Ұлы дер едім...

9.  

• ЖЕТІ ӘУЛИЕ.
  Дән- әулие
  Ақыл- әулие
  Тұз- әулие
  Қыз- әулие
  Күн- әулие
  Жер- әулие
  Ай- әулие
  ҚЫРЫҚ БІР ЫРЫС.
  1.Жаратылым- жан ырысы
  2.Тіршілік- хан иесі
  3.Хан- тақ иесі
  4.Тақ- әділдік ырысы
  5.Әділдік- нақ ырысы
  6.Байлық- сән ырысы
  7.Сән- сәулет ырысы
  8.Сәулет- дәулет ырысы
  9.Сыйласым- татулық ырысы
  10.Тұлпар- батыр ырысы
  11.Ынтымақ- бірлік ырысы
  12.Қайтпас ер- найза ырысы
  13.Ерлік білегі- елдің ырысы
  14.Су молдығы- көлдің ырысы
  15.Еңбек- дән ырысы
  16.Жарасым- береке-бірлік ырысы
  17.Өнер- білім ырысы
  18.Білім- өнер ырысы
  19.Қос босаға- түтін ырысы
  20.Әділ би- бүтін ырысы
  21.Шілдехана- төр ырысы
  22.Кебін- көр ырысы
  23.Жаңбыр- жер ырысы
  24.Ірге- ай ырысы
  25.Жақсы сөз- жан ырысы
  26.Шежіре бәйіт- сөз ырысы
  27.Ақыл- көздің ырысы
  28.Инабат- ізеттілік ырысы
  29.Жақсы садақ - жасақ ырысы
  30.Қалқан- арашашы ырысы
  31.Шөп- мал ырысы
  32.От- ел ырысы
  33.Су- мал-жан ырысы
  34.Ажал- жан алу ырысы
  35.Жас- бақыт ырысы
  36.Қан- құт ырысы
  37.Сыйластық - сенімнің ырысы
  38.Шыдамдылық- төзімнің ырысы
  39.Тайсалмау- талаптың ырысы
  40.Науқас- сырқаттың ырысы
  41.Шипагерлік емдеу- айығудың ырысы.
• 10. Ерлік-елдің қасиеті,
  Жүректілік-жігіттің қасиеті

Answer 2

Біз қазақ деген мал баққан елміз, ешкімге соқтықпай жай жатқан елміз. Елімізден құт-береке қашпасын деп, жеріміздің шетін жау баспасын деп, найзаға үкі таққан елміз. Ешбір дұшпан басынбаған елміз, басынан сөз асырмаған елміз. Досымызды сақтай білген елміз, дәм-тұзымызды ақтай білген елміз. Атадан ұл туса, құл боламын деп тумайды, анадан қыз туса күң боламын деп тумайды. Ұл мен қызды қаматып отыра алмайтын елміз. Сен қалмақ болсаң, біз қазақ қарпысқалы келгенбіз, сен темір болсаң, біз - көмір, еріткелі келгенбіз. Қазақ, қалмақ баласы табысқалы келгенбіз, танымайтын жат елге танысқалы келгенбіз, танысуға көнбесең, шабысқалы келгенбіз. Сен қабылан болсаң, мен - арыстан, алысқалы келгенбіз. Жаңа үйреткен жас тұлпар жарысқалы келгенбіз, тұтқыр сары желіммін жабысқалы келгенбіз. Берсең жөндеп бітім айт, не тұрысатын жеріңді айт.

Answer 3

Өмірге ұдайы оң қарау. Аурухананың бөлмесінде үш адам төсек тартып жатқан екен. Ауруханаға бірінші болып түскен адам терезенің қасына жатқызылып, екінші болып түскен - ортаға, соңғысы болса - есік жаққа жатқызылатын болған. Ортада жатқан кісі оптимист болғаны үшін ұдайы бөлмедегі басқа науқастардың көңіл күйін көтергісі келіп қызықты әңгіме мен әзілдерді айтатын еді. Бір күні терезе жақтағы науқас қайтыс болады. Оның орнына оптимист кісі жатқызылып, бөлмелеріне қосымша жаңа адам жатқызылады. Терезе жаққа көшкен аға енді терезеден көргендерін айтатын болды. Күніге жаңа нәрсе көріп, басқа науқастармен бөлісетін. Жол үстіндегі бақшаны, үлкен шынар ағаштарды, жұмысқа асығып кетіп бара жатқан адамдарды, құстардың сайрауын, бүлдіршіндердің атыспақтары мен қарсы жоталардағы гүлдердің әсемділігін көркемдеп әңгімелейтін. Төсек тартып жатқан басқа науқастар әңгімелерін тындап, достары көрген нәрселерді көз алдында елестетуге тырысатын. Көп ұзамай оптимист ағаның әңгімелері арқасында аурухана бөлмесіндегі аурулардың көңіл күйлері жаманнан жақсыға ауысып, өмірі бітпейтін болып көрінген уақыт та қызықты болып зымыра бастады. Әңгімелерді қызығушылықпен тыңдап, көре алмаушылықпен жатқан ортадағы науқас "терезе қасында жатқанға бірнәрсе болса да, ол жаққа мен жатқызылсам..." деп ойлай бастайды. Күні-түні қалай да болса терезе жаққа жатқызылу керегін ойластыратын болады. Оптимист ағаның инсульт кәуіпі барын біліп, түнде бар күшін салып дәрі тұрған үстелді төңкеріп тастайды. Ертеңіне оптимист науқас қайтыс болады. Оның орнына ортада жатқан науқас жатқызылады. Ол болса терезеден оптимист әңгімелеген барлық заттарды көруге сабырсыздықпен асығуда. Мүмкіндік түскен сәтте терезесінен сыртқа көз атты да... терезенің арғы жағында қап-қара дуалдан басқа ешнәрсе жоқ екенін көреді...

Answer 4

 Не ексең соны орасың деген шамалы ұнайт, а так нақыл сөздердің фаны емес едім))

Answer 5

Анасын көріп, қызын ал

Answer 6

1.Бақытқа апаратын жол көрініп жатпайды...                                                                                                                     2.Халыққа жақсылық еткен адам ғана - бақытқа жетеді.                                                                                                3.Жүрек жарасын уақыт емдейді.  ( Марк Твен)

Comments

Сәлем  қандай тамаша айтылған сөздер өмірден алынған

Зәуре 1.05.2012 пікір

Answer 7

Мен Берік сияқты инеттен копировать етіп, көзбояушылық жасағым келмейді. ((((
маған Мұқағалидың "Шыда, шыда" өлеңінің
"Өмір, өмір болмайды түңілуге,
Мәңгі сені жазбаған сүрінуге" деген жолдары ұнайды.

Answer 8

Мына өмірде жүрегіңде бойында ыстық қан барда, болмысты  да болмасты да арманда