Ербол Серікбаймен журналист Айнұр Ракишева сұхбат барысында, Ерболға тап осы сұрақты қойған болатын. Сондағы Ерболдың жауабы.
Сенің сәтті жобаң — «Сұрақ-Жауап» сайтын жасауға не түрткі болды? Жалпы идеясы қалай келді?
— Бауыржан ағамыздың (университет кезіндегі ұстазы) жаз айында ұйымдастырған сайт жасау курсына барып жүрген кезім. «Термин.кз» сайтына қажетті ақпарат іздеп отырып, «Ответы mail.ru»-ге тап болдым. Онда бір қазақ қарындасымыз қазақ тілінде сұрақ қойған екен. Оған орыстар: «қай тілде жазып жатырсың?», «не үшін бұл сайтқа кірдің?» деген сынды түрлі пікірлер жазып кеткендігін байқадым. Сол кезде маған осы сайттың қазақша нұсқасын неге жасамасқа, деген ой келді.
