Жас ұлғая келе шаш табиғи түрде ағарады. Жастың ұлғаюымен орын алған шаштың ағаруы ешкімді де таң қалдырмайды. Бірақ кейбір адамдардың шашына ақтың ерте түсуі бұл құбылыстың себебін іздеуге жетелейді.
Жастардың шашының ағаруы қарттардікіне ұқсамайды. Қарттардағы бұл процесс - табиғи функциялық шегіну сипатындағы физиологиялық өзгеріс. Ал жастардың шашының ағаруы тұқым қуудан болуы мүмкін. Ондай адамдардың ата-анасы немесе ата-әжелері ерте шаш ағару дертіне шалдыққан болуы ғажап емес. Егер мұндай тұқым қуу факторы жоқ болса, онда бұл - кейін пайда болған «шаш ауруы».
Шаш ағару ауруының себептері тым күрделі болып келеді. Мысалы албинизммен ауыратын адамдарда бұл құбылыс көп кездеседі. Немесе қоректенудің нашарлығы, көңіл-күйдің орнықсыздығы, жиі жабырқау, үмітсізденіп қамығу себебінен болуы мүмкін. Шаштың табиғи түрде ағаруы, әдетте 40 жастан соң басталады. Ал жастар арасындағы бұл құбылыс көбіне 20 жас айналасында орын алады.
Шаштың түсі меланиндердің (қара пигменттер) себебінен қарайып тұратындығын айта кетелік. Пигмент құрамы мол болған сайын шаштың өңі де қанық келеді. Егер пигменттің қалыптасу барысы кедергіге ұшыраса онда сіздің жас шамаңызға қарамай, шашыңыз ағарып кетеді.
, біз енді «Шаш неге ерте ағаруы мүмкін?» деген сауалды қысқаша былай жүйелесек болады:
1.Тұқым қуалаудан;
2. Фолликул сақтаған жасушалық пигменттердің өлуінен;
3.Пигменттік жасушалар бөлетін меланиннің сарқылуынан;
4. Белок құрамында болатын тирозиннің жетіспеуінен;
5. Жүйке жүйесінің қызметінің бұзылуынан;
6. Дәрумендердің жетіспеушілігі салдарынан энндокриндік жүйенің дұрыс жұмыс істемеуінен;
7. Үнемі шаршап, аз демалып, ұйқының қалыпты болмауынан;
8. Қан аздықтан;
9.Күн астында көп болудан;
10.Ағзада мыстың жетіспеуінен.
