Менің мінезім өте тұйық, мінезімді өзгертейін десем еш қолымнан келмейді. Өзім тағы қатты ұялшақпын, адамдармен тіл табысып кету өте қиын. Және үйде жүрген кезде де, 15-20 минуттай көңілім көтеріңкі болып жүреді де, аяқ астынан бір нәрсе есіме түсіп кетеді немесе қасымдағы адамдар бір ұнамайтын сөздерді қалжыңдап айтып қалады, сосын бірден үндемей қаламын. Ренжіп жүремін де, ішімнен ашуланып, ашуымды басқа адамдардан аламын. Мамам бұл қылығыма кейде ашуланады, ал кейде *бұл мінезіңді құртуың керек, әйтпесе тым есейген сайын мінезің бұдан сайын ауырлайды, сосын барған жеріңде де сені ешкім оңыстырмайды, өзің қиналатын боласың* дейді. Кейбір адамдар болады ғой.... кез-келген қалжыңды көтеретін, ешкімге мүлдем ренжімейтін, әрқашан да күліп жүретін адамдар болады ғой, және олар тұйық емес, мінезі ашық болады. Менің сондай болғым келеді. Мінезімді қалай өзгертуіме болады???
