Өмір болған соң, қызығы мен шыжығы, қуанышы мен қайғысы қатар жүреді емес пе?.. Тек бір өкініштісі - адамзаттың осындай олқы оқиғаларды қолдан жасауы. Қоғамда орын алып жатқан кей әрекеттерді адам жасады дегенге сенбейсіз де... Себебі, қазақтың, қазақылықтың сипаты -бауырмалдығында, қонақжайлығында, «үлкенге құрмет, кішіге жасаған ізетінде», «ата тұрып ұл сөйлегеннен, ана тұрып қыз сөйлегеннен безген» кісілігінде.
Ендеше, бүгінгі қоғамда жақынын ренжітіп, жатты жағалағандарды, баласын тастап, ата-анасынан безген безбүйректерді, өз баласын аяусыз соққыға жыққан әкелерді, баласын өлтірген аналарды жиі кездестіруімізге не себеп? Адам етін жеген айуандардың, адам жанын ойыншыққа айналдырған қаныпезерлердің қатары неге көбейіп барады? Түсініксіз.Таңданасыз. Сенбейсіз...
Себебі, айуаннан ақылымен, сана сезімімен ерекшеленетін адамзаттың бұндай қатыгездікке баруы мүмкін еместей.
Десекте, шынайы өмірде орын алып жатыр және сирек емес. Бұл – қоғам дерті. Ал «ауруын жасырғанның өлетіні» тағы белгілі.
“Еларна” телеканалы қолға алған «Мүмкін емес...» ток-шоуы қоғамда орын алған осындай оқыс оқиғаларды, жекелеген тағдырларды баяндап, оқиғаға түрткі болған жәйтті анықтауға тырысады. Айдың күннің аманында өз ағайынын, өз бауырын, өз баласын жамандыққа қиған не жағдай? Қоғамның қатайып, адамының суып бара жатқанына не себеп? Кім кінәлі? Неге бұлай болды және әрі қарай не істемек керек?
Студияға жиналған сарапшылар дәл осыны түсіндіреді, талдайды. Сондай-ақ, сансыз сауалға жауап табуға тырысады, қоғамда енді орын алмауына шақырады. Ал, ток-шоудың тізгінұстары – біліміне, білігі сай, жас та болса, бас болуға лайық “Болашақ” қозғалысының төрағасы, саясаттанушы Дәурен Бабамұратов.
Ендеше, әр аптаның жексенбісінде, кешкі сағат 20.00-да Ел арнада «Мүмкін емес...» бағдарламасын тамашалаңыздар! Көріңіздер, көңілге түйіңіздер! Жақсыдан үлгі алып, жаманынан жиреніңіз, ағайын!
БАУКА_КОСАЙ
пікір
