Көңілсіз, түрлі жағымсыз энергияларды жанына үйіп алатын жолы болмағыш лузерлер мен сағыздар өмір бойы солай өтеді. Өміріне разы болмай, орынсыз бірдеңені армандап, ақыры соған жете алмай кетеді. Адамға қарапайым позитивті эмоция сыйлай алмаған адам, өмірде қалайша үлкен жетістікке өз күшімен жетуі мүмкін? Сәйкесінше, ондай көңілсіз жүретін адамдардың әңгімесін көп тыңдамау керек. Керісінше, сондай әңгімелеріне позитивті пікір білдірген дұрыс. Біреуге (ең жақын деген бірнеше адамдарды есептемегенде) барып мұңын шағу мен біреудің мұңын тыңдап тұру және оны мүсіркеуден асқан сорақылық жоқ. Бұл дүние жалған. Бәрі де мүмкін. Көпшілік ойлағандай, дүние толған боқ емес, оған қол сілтегенше, ақырындап оны басқару жағын қарастыр. Ол мүмкін нәрсе.
Өмірде, өзіңді мықты адамдар қатарына қоссаң да, әлсіз адамдар қатарына қоссаң да, бәрібір қиналумен өтесің. Әлсіздер қатарына жүріп қиналғанша, мықтылар арасында қиналып өткен әлдеқайда текті қазақ баласы үшін лайықты.
Көңілді жүру мықты адамдардың қолынан келеді. Себебі, олар балалық шақтарынан қиыншылықты қатты көрген болар. Түрлі жаман кезеңдерді де басынан кешкен болар. Сол кезде оған не жетпеуі мүмкін? Адамның бір ауыз жылы сөзі мен кішкене мейірімі. Міне, сондықтан өзі көре алмаған сондай сезімдерді басқаларға сыйлағысы келетін мықты адамдар, болмай кімдер?
Айналасына суық болып көрінетін қыз, бар болғаны өзіндегі махаббат сезімін оятатын адамды әлі кездестірмегені демекші, адамға жылы сөз айтып, мейірімділікпен қарай салғаннан ештеңе де кетпейді, әрине ондайға тұратын адам болса. Одан өзіңізге де, айналаңызға да өте пайдалы.
