"Әкенің жақындығы жездедей ғана" деген сөздің ешқандай мағынасы жоқ.
Негізі "Әкенің жақсысы жездедей-ақ деген сөз бар. Басында бұл сөзге мен де келіскен жоқпын. Бірақ, академик Асқар Жұмаділдаевтың "Алтын көрсе періште жол таяды" деген сөзді философиялық тұрғыда керемет түсіндіргенін естіген кезде, қазақ мақалдарына басқаша қарайтын болдым. Ол кісі айтады періште алтын көрсе, алтынды алмайды, керісінше ол жолдан бұрылып кетеді, яғни ол жолға жоламайды.
Бірақ өкінішке орай бүгінгі күні бұл мақалды басқаша пайдаланып, коррупционерлер өздерін жұбатып жүр. Бұл дұрыс емес.
Ал енді "Әкенің жақсысы жездедей-ақ" деген сөзге келейік. Не үшін қазақ әкені жездеге теңеп отыр? Жезде деген кім? Әке деген кім? Жезде сенің әкпеңнің жары, ал әке сенің анаңның жары.
Ал енді жездең қай уақытта жақсы болады Егер әкпеңді ренжітпесе, ұрмаса, жанұясында бәрі жақсы болса ол жақсы, егер керісінше болса ондай жездені ешкім жақсы көре қоймайды.
Тура сол сияқты әкеңде анаңды сыйласа, ренжітпесе, жанұяда бәрі жақсы болса онда ол жақсы болады. Керісінше болса ондай әкені ешкім жақсы көре қоймайды.
Менің ойымша осылай. Ауызы дуалы біздің билер, шешендер бұл сөздерді бекерден бекер айтқан жоқ. Мүмкін әкесі жақсы кісілер менің бұл ойыма келіспеуі мүмкін, бірақ бес саусақ бірдей емес, өкінішке орай мына нарық заманында жаман әкелерде көбеюде.
