Аққуым
*с. С.Жиенбаев
ә. М.Маңғытаев*
Құштар еді гүл-көктемнің лебіне
Көктемменен бірге еді оның демі де
Әлденеден кетті мен екен шошынып
Аққу-құсым оралмай жүр көліне
Әлденеден кетті мен екен шошынып
Аққу-құсым оралмай жүр көліне
Көктемге еріп, көк шалғынды белеңмен
Құстар ағып келіп жатыр өлеңмен
Батар күннің шұғыласына малынып
Жалғыз аққу өтпеді ме төбеңнен
Батар күннің шұғыласына малынып
Жалғыз аққу өтпеді ме төбеңнен
Ақ нұр еді, балғын еді өзі де
Жолықтың ба налып жүрген кезіне
Айдын көлде жаутаңдаған жанары
Жалғыз аққу түспеді ме көзіңе?
Айдын көлде жаутаңдаған жанары
Жалғыз аққу түспеді ме көзіңе?
