Жан-жануарлардың бәрінің бірдей төлдерін, сондай-ақ "туған-туыстарын" қалай атайтынын көпшілігіміз біле бермейміз. Сіз білгенді мен, мен білгенді сіздің білмеуіңіз мүмкін. Сондықтан да білетіндерімізді осында жазып өтсек...
Мысалы,
Ызақор – еркек арыстан
Қаншыр – ұрғашы арыстан
Абдан – арыстанның баласы
Таутан – ұрғашы барыс
Алан – барыстың күшігі
Арлан – еркек қасқыр
Құртқа – ұрғашы қасқыр
Бөлтірік – қасқырдың күшігі
Шағал – қорқау қасқыр
Сырттан – жабайы ит
Кірекей – ұрғашы аю
Қонжық – аюдың баласы
Мәлике – ұрғашы жылан
Мәулен – ұрғашы мысық
Соқыр – мысықтың әлі көзін ашпаған баласы
Марғау – мысықтың есейген баласы
Баршын – кәрі бүркіт
Қодық – құланның құлыны
Әңгі – есектің еркегі
Әздек – жас еркек есек
Күре, қодыға – есектің баласы
Қашыр – будан есек
Жусақ – жас тау ешкі
Құлжа – қой сияқты жабайы жануар
Еңлік – еліктің баласы
Құралай – киіктің лағы
Мамыр – балапан қаз.
Көгілдір – аққудың балапаны
Ал сіз қандай жануардың қандай "туысын" білесіз?