ҰБТ ны ең бірінші болып 2004 жылы бітірген түлектер тапсырды, яғни біз. Ол кезде әр пәннен 30 сұрақ болатын, сөйтіп 4 пәннен тапсыратынбыз. Пробное тестирование дегенді 1 ақ рет тапсырдық. Мұғалімдер тарапынан да біздің дайындығымызды қадағалау дәл қазіргідей күшті болмады. Сөйтіп дайындық нашарлау болып тапсырғанмын. Ол кезде шпор, калькулятор алып кіруді білмейміз. Ойбай камера болады, комиссия жүреді, қырғын болады, ұсталып қалсаң шығарып жібереді деді. Ол кезде ұялы телефон дегенді оқушы тұрмақ үлкен адамдардың өзі енді - енді алып жүрген. Сонымен дымсыз кіріп тапсырдық. Шыққан кезде көңіл күйім жоқ, оқуға түсе алмайтын болдым деген терең ойға батып шықтым. Себебі өзімнің берген жауаптарыма қанағаттанбай тұрдым, дайындық нашар болғандықтан сұрақтар қиын болды. Бірақ құдай беріп, өзім қалаған мамандыққа грантқа түсіп кеттім ғой. Ал сіздер мектеп бітіруші іні - қарындастарым, еш уайымдамаңдар. Қазір сендерге жақсы жағдай жасалған. Кітап десең кітап, компьютер десең компьютер, интернет десең интернет, бәрі алдарыңда. Тек оқып, дайындалсаң болғаны, оқуға түсіп тұрсың. Сәттілік, еліміздің болашақ иелері!
