Аллаһтың атымен. Өз-өзіңе сенімді болмауың қалыпты жағдай. Ондай бәрімізде болған. Шайтан адамды үш түрлі кезде қатты азғырады,соның біріншісі намаз бастарда (әлі ертерек, кейін бәрібір тастап кетесің деген сияқты).
Ал жауапкершілікке келер болсақ, Құранда Аллаһ Тағала айтады:
«Күдіксіз намаз арсыздықтан, жамандықтан тияды» ( Әнкәбут 45).
Бірінші дұрысталып содан соң намаз бастаймын деу қателік болар. Бірінші намаз оқу керек сонда, дұрысталуыңа Аллаһ жәрдем береді.
Ал алдағы арман мақсаттарға келсек. Аллаһ елшісі алеиһис салаату уа салам: "*Кәпірлер үшін бұл дүние Жаннат"*-деп айтқан. Себебі олар қызықтың бәрін бұл дүниеде көргісі келеді, ал мұсылман адам Жаннатты аңсайды. *"Ақырзаманға қарай ислам дінін ұстану қолға шоқ ұстаумен бірдей болады"*
Аллаһ елшісіне алейһиссалаату уа салам кәпірлер келіп "Я, Мухаммад біз саған қанша қаласаң сонша ақша берейік бірақ сен бұл дініңді таста деді. Аллаһ елшісіне алейһиссалаату уа салам бас тартты. Олар я Мухаммад онда сен біздің басшымыз бол, бәріміз саған бағынайық тек дініңді тасташы деді Аллаһ елшісіне алейһиссалаату уа салам тағы да бас тартты. Олар я Мухаммад егер сен осының бәрін бір әйелге ұнау үшін істеп жүрген болсаң онда сол әйелді бізге айтшы саған қаратып берейік деді,Аллаһ елшісіне алейһиссалаату уа салам бұл жолы да бас тартты. Себебі дүние үшін дінді тастауға болмайды. Арман мақсаттар дүниелік емеспе!?
