Мүшелтой-кейде «мерейтой» деп те атала береді.Мұндай салтанатты кеш мереке,той дәрежесінде мемлекетке,елге айрықша еңбегі сіңген мемлекет,ғылым,өнер,әдебиет қайраткерлерінің туған күніне байланысты өткізіледі.Бұл-әдеттегі туған күн емес,саяси-әлеуметтік,тәрбиелік,мәдени маңызы бар мереке ретінде марапатталып өткізілетін уақиға.
Тәбәрәк- «тәбәрәк болсын,бізге де бірдеңе бер»
(Бауыржан Момышұлы)
Біреу ойын-тойда,бәйгеде жүлде алса немесе құдалық салт-дәстүрде кәде болса,одан жанындағыларға үлес беруі керек.Мұндайда жұрт одан «тәбәрәк бер» деп сұрап алады.Олжалы адам әдет бойынша тәбәрәк беруге міндетті, бермеуі ұят,сараңдық,дәстүр сыйламағандық деп есептеледі.
Түс жору- «А,Құдай,осының түсін мен неге жорысам,сен соған қабыл қыл...» (Мәшһүр Жүсіп).Түс көру және оны жору арқылы болашақты болжау және оған сендіре білетін белгілі адамдар,әулиелер болған.
Наурызнама-наурыз бүкіл шығыс елінің бүкілхалықтық мейрамы,яғни, Ұлыстың ұлы күні.Наурыз бұған дейін мыңдаған жыл бұрын шығыс халықтарында жыл басы мерекесі ретінде тойланып,ерекше күн ретінде аталып өтетін болған.
Қыдыр ата-бүкіл халықтың қамқоры,оларға жақсылық жасаушы, ырыс,құт,несібе әкелуші,бақыт,береке,өмір сыйлаушы қасиет иесі,кемеңгер , әулие,көріпкел,жарылқаушы қарт.Ол ұлыстың ұлы күнінде елге келіп,әр шаңыраққа соғып бата береді.Міне,сондықтан әр үй Қыдыр атаның жолын күтіп өздерінің жанын да,тәнін де,киер киім,ыдысы мен бұйымдарын да таза ұстауға тырысады.
Айт-исламның аса зор мерекесі.Екі айт бар.Ол «ораза айты» , «құрбан айты» деп аталады.Айт Арабияда Ислам дініне дейін қалыптасқан.Айт күндері таза киінген адамдар бір-біріне айтқа құтты болсын айтып,құттықтайды, «айттық» сұрайды.Екі айтта мұсылман елдерінде үлкен той дәрежесінде өтеді және ол демалыс күндері болып қалыптасқан.
Ораза-мұсылманның бес парызының бірі.Мұны ораза ұстау немесе «ауыз бекіту» деп атайды.Оразаның шарты бойынша жасы тоғызға толған қыз,он екіге толған ұлдан бастап ауыз бекіткен адам отыз күн күндіз тамақ ішпейді,әдепсіз сөз сөйлемейді,қиянат етпейді.Таңертең күн шықпастан бұрын сәресі (таңертеңгілік),күн батқан соң ауыз ашады.
Ауызашар-салтта ауыз бекіткен,яғни ораза ұстаған адамдарға құрмет көрсетіледі,сонымен бірге кешкілік күн батқан соң оларды «ауызашарға» шақыру қасиетті дінімізде де,оған бас июшілерді де құрметтеудің белгісі.
Намаз-Исламның екінші шарты-намаз оқу.Алла тағалаға шексіз сену- ең биік парыз.Содан соңғы үлкен парыз және маңыздысы намаз оқу.Намаз- имандылық көрінісі.
