Агент (гр. agens — әрекет етуші) — 1) басқа бір адамның (мекеменің) тапсыруымен және оның мүддесі үшін өзіне берілген өкілдік шеңберінде саудада т.б. салада оның атынан белгілі бір операциялар жасайтын, келісімнің даярлануын қамтамасыз ететін, бірақ келісімге қол қоюға құқығы жоқ заңды ұйым немесе жеке тұлға. Өкілдігі бір жолға не агенттік келісімге сәйкес болуы мүмкін. Экономикалық операцияларда агент болып табылатындар: делдалдар, дилерлер, маклерлер, комиссионерлер, адвокаттар және жеке өкілдер. Агент өз іс-әрекетін мүлік иесінің рұқсатымен агенттік келісім бойынша жүзеге асырады;
2) Біреудің немесе қоғамның идеясына, мақсат-мүддесіне қызмет етуші адам, топ. Мысалы, дипломатиялық агент мемлекеттің ресми өкілі ретінде белгілі бір мемлекетпен саяси қатынастарды жұзеге асырады;
3) Арандатушы, астыртын әрекет етуші, тыңшы.
