Қазір де оңып тұрғаным шамалы. «Біздегі соттар әділетсіз» дегенді көп еститінмін. Қызық көріп, қалалық сотқа бардым. Ішіне кіргізбейді.
- Сотты көргім келеді! - деп даурықтым мен.
- Иә, тыңдап тұрмын, - деді біреу. Қарасам, басында қалпағы бар судья.
- Кешіріңіз, менің сотталғым келеді.
- Адам өлтіріп пе едіңіз?
- Бүрге, бит, сірке өлтіргенмін...
- Жоқ әлде, сыбайлас жемқорсыз ба?
- Таза адаммын. Жай, сотталып көрейінші деп едім... Сіздер жазықсыз жандардың да сотталып кетуіне себепкер болатын көрінесіздер.
- Ақымақ!
- Өзіңіз ақымақ!
- Кетіңіз бұл жерден!
- Сіз барып тұрған жексұрын адамсыз! Солқылдақ сотсыз! Ақшаның құлысыз! Судья ым қағып еді, күзетшілер қолыма кісен салып, қамап қойды. «Мемлекеттік қызметкерді балағаттағаным үшін» қылмыстық жауапкершілікке тартыла жаздап, мықты жерде істейтін нағашымның арқасында аман қалдым.
