Әділет органдарының халықты құжаттандыру және тіркеу саласы ҚР-ның азаматтарына жеке басын куәландыратын ҚР азаматының төлқұжаты мен ҚР азаматының жеке куәлігін береді.
ҚР азаматының жеке куәлігі азаматтар мен азаматшаларға 16 жастан бастап беріледі және ол республика аумағына жарамды. «ҚР халқын құжаттандыру және тіркеу ережесін бекіту туралы» ҚР Үкіметінің 2000 жылғы 12 шілдеде бекітілген №1063 Қаулысына өзгерістер мен толықтырулар енгізіліп, өткен жылдың қазан айынан бастап 10 жылда бір рет ауыстырылуға жататын электрондық ақпарат жеткізгіштері бар жаңа ҚР –ның жеке куәлігі берілуде.
Жаңа куәлік көп қабатты материалдан жасалған. Онда куәлік иесі туралы электрондық ақпарат жеткізгіш ретінде пайдаланылатын микросхема (байланысты және байланыссыз интерфейстер бар чип) орналасқан. Жадының сыйымдылығы кемінде 64 Кб болатын микросхемада қорғалған түрде ҚР азаматының жеке куәлігінің иесі туралы графикалық және мәтіндік ақпарат фотобейнесі мен қолы сақталады.
Микросхеманың байланысты бөлігі ҚР азаматының жеке куәлігінің келесі бетінде орналасқан. Микросхеманың антеннасы бар байланыссыз бөлігі ҚР азаматының жеке куәлігінің беткі жағында жеке куәлік иесінің фотобейнесі, қолы және мынадай дербес деректері мемлекеттік және орыс тілдерінде тегі, аты, әкесінің туған жылы және жеке сәйкестендіру нөмірі орналасқан.
Сондай-ақ, 2010 жылдың 1 қаңтарынан бастап айлық есептік көрсеткіш-1413 теңгені құрап отыр. Осыған орай, ҚР-ның «Салық және бюджетке төленетін басқа да міндетті төлемдер туралы» Кодексінің 500 бабының 1-тармағына сәйкес,
-тұрғылықты жерге тіркелу үшін мемлекеттік баж ставкасы 10 пайызы есебімен-141,3 теңгені;
-ҚР азаматының паспорты үшін мемлекеттік баж ставкасы 20 пайызы есебімен 282, 6 теңгені құрап отыр-деп мақала мәтіні түйінделген.
