Біздің мектебімізде оқушылардың танымдылығын арттыру мақсатында көптеген іс-шаралар өтеді. Соның бір айқын дәлелі қосымша білім беру педагогы Күләнда Ғайноллақызы мен Бақытханым Өтепбергенқызының ұйымдастыруымен болған мерекелік шара. ҚР Білім және ғылым министірлігі Қазақстандағы «Дағдарыс орталықтары одағымен» және ЮНИСЕФ балалар қорымен бірлесіп 2012 жылғы 1 және 19- қараша аралығында жарияланған «Зорлық-зомбылықсыз балалық шақ» республикалық ақпараттық науқаны аясында оздырылды. Шара барысында компанияның ұраны, мақсаты, туралы айтылып, ҚР -ның «Тұрмыстық зорлық-зомбылық профилактикасы туралы» N 214- ІҮ заңынан мағлұматтар беріліп, оқушылар бақыт, туған жер, мектеп, Қазақстан туралы ән салып, би билеп өз өнерлерін ортаға салды. Сонымен қатар, оқушылардың осы тақырыпта салған суреттерінен көрме ұйымдастырылды.
Айкөркем Мұхамбетова
ЖББ Ұзынкөл орта мектебінің 7-сынып оқушысы
Жәнібек ауданы
Бақытты болу әр адамның өз қолында. Егер жетістіктерімізді қанағат тұтып, әр ісімізді ізгілік жолымен атқаратын болсақ, өзімізді бақытты сезінетін боламыз. «Қанағат қарын тойғызады»-дейді халық философиясы. Ендеше, қанағат болған жерде бақыт та болады.
Бақыт – бір адамға ғана тән емес, ол өзгелерге ортақ болуы керек. Біздің бақытымыз өзгелерге шуағын төге білсе, нағыз бақытқа айналады. Өмірдің қызығы да сонда!
Бір күні сіздің бөлмеңіздің терезесінен көк құс бөлмеңізге ұшып келді. Бұл адасқан құс сізді қызықтырды, және сіз оны өзіңізге қалдырғыңыз келді. Сіз ол құсты торға салып қойдыңыз. Бірақ сізді таң қалдыратыны бұл құс келесі күні көк түстен сары түске айналды. Бұл құстың басқа құстардан ерекшелігі — әр түні өзінің түсін өзгетуінде еді. Үшінші күні таңертеңгісін ашық қызылға, төртінші күні мүлдем қара түске айналды.
Біздер қазір бақытты болып өсіп келеміз. Алдымызда не керек болса, сол тұр. Білімге керек нәрсені ізденбей жатып-ақ, компьютер, ұялы телефон, интернеттен табамыз.
Ал өткен ғасырлардағы әже-аталарымыз тіпті оқи алмай, балалықтың бал дәмін тата алмады. Әрине, өкінішті.
Ал біз он үш жасқа келгенімізбен әлі балалығымызды қимаймыз. Бара-бара, есейген кезде сол балдәурен балалық шағымызды сағынатынымыз белгілі. Кейбіреулер өздерін балалық шақпен ерте қоштасқандай сезінеді. Олар қателеседі. Себебі, олар балалық шақтың құдіретін сезіне алмай жүр. Сондықтан да менің достарыма айтарым, балалық шақтың бал дәмін сезінген бұл кездің ең бақытты шақ екенін ұмытпайық, абзал достар!
Әр адам өз өмірінің бақытты болғанын арман етеді. Ол үшін алдына мақсат қойып, көптеген игілікті істерді жүзеге асыруға ұмтылады. Ондай адамның жүрегін рмзашылық сезімі билеп, жаны рахатқа бөленеді. Бақытты болу әркімнің өзіне байланысты. Өз өмірін аялап, барды қанағат тұтқан адамның құшағы бақытқа толы болады. Қасыңда жүрген адамдардың қуанышын, бақытын, жақсылығын өзінің табысындай көре білген адам бақытқа кенеледі. Әрбір атқан таң мен батқан күннен бақыт тілеген адам мұратына жетеді.
