Қорқыт ата атындағы ҚызМУ-нің студенттеріне

Өлеңімді өртейтұғын жандыра,

Көрсетпек боп шығып тұрмын алдыңа.

Шиелілік, орта жүзден Жұбатхан

Қатарыңда ақын ұлың бар мына.

 

Айта алмаймын биіктерде тұр есімім,

Универде әлі ашпаған мың есігім.

Сырдың салқын самалын сезінетін,

Әйтеуір «таза ауаның иесімін».

 

Студенттік өмір бізге қиын сын,

Шыдау керек езсін, мейлі қуырсын.

Бітіргенде біздер білдей мамандық

Еліміздің бір тұтқасы бұйырсын.

 

Патриоттар универдің сапында әлі,

Сондықтан да мақсатқа жақындады.

Жастарымен біздердей мақтанады,

ҚызМУ-ымыз Қорқыт ата атындағы.

 

Өлеңіммен бар студент мені ұғады,

Бастағам жоқ мұның да соңын әлі.

Арасына салып тұрып елу минут,

Соғады қуаныштың қоңырауы.

 

Жайлаған жоқ ешкімді пәлендей   мұң,

Әрбір корпус өзінше бір әлемдей мың.

Кереметтей кезеңді пайдаланып,

«Негізгі» корпусыма сәлем деймін.

 

Таразыға түсер енді бар ісім,

Көрермін де ғұмырымның барысын.

Студенттер атынан бұл дауысым,

Танитын жұрт Жұбатханын танысын.

 

 

Негізгі корпус

«Тарих, құқық және экономика» факультеті

«Экономикалық теория және мемлекеттік басқару» кафедрасы

СР-14-1 оқу тобы

«Әлеуметтік жұмыс» мамандығының 1-курс студенті

Нұрғалиев Жұбатхан

Поэзия 12.01.2015 жариялады
115,849 сұрақ
293,674 жауап
152,787 пікір
59,778 қолданушы