86400 секунд, бір ғана мүмкіндік...

Мен мынадай бір қызық жазба оқыдым. Сол жазбамен бөліскім келіп отыр. Барлық дүниені салыстырмалы түрде қараған жақсы. Ал уақытты, банкпен салыстыру тіпті керемет. Егер сіздің бірақ реттік мүмкіндігіңіз болса. Сонымен мынау мен оқыған жазба:

"Банкте есеп-шотың бар делік. Сол шотыңа күн сайын таңертең 86400 доллар түседі және түскен ақшаны сол күні кешке дейін жұмсап бітіруің қажет. Бір шарты тағы бар: ол ақшаны басқа банкке аудару мүмкін емес және түгесілмеген жағдайда шоттағы сома келесі күні нөлге айналады.

Ал енді не істейсің? Әрине, әй­теуір сол ақшаны не болса да жұмсауға, өз игілігіңе пайдалануға тырысасың. Мінеки, барлығымыз да “Уақыт” атты банкінің тұтыну­шыларымыз.

Күн сайын қолымызға пайдалансын деп 86400 секунд беріледі. Берілген бұл шектеулі уақытты басқа күнге не қоса алмайсың, не ертеңгі күннің уақытын мезгілінен бұрын қолдана алмайсың. Күндік уақыт қорымыз таңертең толып, кешке ада болып отырады. Өткен уақытты қайта иелене алмайсың.

Сондықтан, күнделікті қолыңа түскен осы қазынаны өміріңдегі бақыт, денсаулық, жетістік, ырыс-береке, бақ сияқты маңызды нәрселерге жұмса. Аллаға құлшы­лық қыл! Бес парызыңды түгел орында! Ата-анаңа жақсылық қыл! Заман зулап өтіп барады, күн­де ең жақсысын жасауға тырыс. Уақыттың қадірін толығырақ түсіну үшін мына теңеуге бір қарашы:

Бір жылдың қадірін мектепте сол сыныпты қайтадан оқуға қалған оқушыдан сұра.
Бір айдың қадірін 8 айлық баланы туған анадан сұра.
Бір аптаның қадірін апталық газеттің редакторынан сұра.
Бір сағаттың қадірін сүйгенін күтіп отырған ғашық жаннан сұра.
Бір минуттың қадірін пойыздан қалып қойған жолаушыдан сұра.
Бір секундтың қадірін апат аузынан аман қалған жүргізушіден сұра.

Ал бір миллисекундтың қаді­рін олимпиадада 100 метр қашық­тыққа жүгіру сайысынан күміс медаль алған атлеттен сұра.

Мінеки, уақыт  – бізге берілген үлкен қазына. Осы қазынаны маңыз­ды нәрселерге жұмса. Ұмыт­­па! Уақыт ешкімді күтпейді, өткен уақыт – тарих, ал келер шақ сырларға толы. Осы сырларды арзан нәрселерге айырбастама…"

Дайындаған: Жайық НАҒЫМАШ

 Ал мынау осы жазбаның сілтемес: http://www.kazaitys.kz/kz/article/view?id=2886

Ақ парақтағы ойлар 24.02.2015 жариялады

4 пікір

Орысшадан жақсы аударыпты... Негiзi жақсы жазылған... Бiз уақытымызды үнемi босқа жұмсаймыз, әсiресе «Әлеуметтiк желiлер, Сайттарға»
Дұрыс айтасыз. Қолда бардың қадірін білу керек.
1 минуттың қадірін Пұтболдан Қазақстан Ұлттық Құрамасының футболшыларынан сұра.
Олар минуттың қадірін білмейтін шығар. 1 минуттың қадірін ЧМ-де Аргентина құрамасынан сұрау керек. Егер футболшылардан сұрағыңыз келсе))
116,265 сұрақ
295,203 жауап
152,913 пікір
61,092 қолданушы