Ғылым туралы
Жігіттер,сүндетсондай,парыз қандай,
``Егер де төлемесең қарыз қандай?
Баланы оқытпағың -парыз-қарыз,
Жалқаулық жаман мінез сары із қандай?
Бұл бала-бүгін бала, ертең дана,
Оқымаса көңіліне бітпес сана.
Адам туған баласын надан қылып,
Ата-ана болмасын жүзіқара.
Сегіз жастан баланы оқыт дейді,
Ғылым ,өнер көңіліне тоқыт дейді.
Оқытпаса обалы ата-анаға,
Қарға қылып, қараны шоқыт дейді.
Оқыса бала деген сұңқар болар,
Жүзден жүйрік, мыңнан да тұлпар болар.
Қиыр ұшып, қиыннан тоят тілеп,
Көрінген жан құрметтер,іңкәр болар.
