Махаббат - мөлдір сезім!
Тұла бойымды кернеген тамаша әрі беймәлім сезім қолыма еріксіз қалам алдырды.Бұл асыл,айнадай махаббат сезімі.Мен-махаббат деп аталатын шынашақтай құс жұрегіме ұялаған жандардың бірімін.Сол себепті де мен бірін-бірі сүйіп,жарасып жүргендерді де,жүректері қалап тұрса да,тағдырдың тәлкегімен қосыла алмай жүргендерді түсінемін.Олардың басынан өткерген қуанышты сәттері мен мұңды мезеттері мен үшін жат емес.Бір нәрсені,біреуді жан тәніңмен беріліп сүю,дүниеге көзқарасыңды өзгертіп,ойыңды нұрландырып жіберері сөзсіз.Ал,кейде осы айтқандар теріс айналып түсіп,жайсыз сезімдерге бөлеуі де мүмкін.Мұндай кездерде махаббат алаңда өтіп жатқан ережесі қатаң ойындарға ұқсайтынын түсінесіз.Бір жерден мүлт кетіп,қателік жіберсең,ойынның әлбетте сенің пайдаңа шешілмесі атқан таңдай ақиқат,бірақ ойында тек ұтылып қана қоясың,ал махаббатта … Баянсыз махаббат артында орны толмас сойқан із қалдырып,өзіне ғана тән шипасыз ғашықтық дертімен жүрегіңді жаралап кетеді.Ендеше осы жайттарды ескерсек,махаббатты қатаң ойынға теңеу көңілге қонымсыз.Өйткені махаббат-ең нәзік,ең албырт,шықтай таза шынайы сезім.Ол ешқандай сорақылықты,содырлықты,қателікті кешірмейді.Махаббат ешбір заңға бағынбайды да,себебі өмірдің өзінің әр қилы өмір сұру,бақытты болу сияқты басты заңдарының өзі “махаббат” деп аталатын арнаға кеп тоғысады.Бақытты болу үшін да ең бастысы-ғашықтық сезім.Жалғыздық құдайға ғана жарасатындығын ескерсек,өмір екі тұлғаның жұптық өмірінен тұратынын білеміз.Осы екі жұптың арасында жібек жіп-махаббат дәнекер болуы тиіс. Шын сүйе білген жан ғана бақыт баспалдағымен көтеріліп,қызықты өмір кешеді.Мәнді махаббат - сәнді өмірге апарар тура жол. Ендеше өмірде бірін-бірі сүйген жұптар,айнымас асыл қасиетті адамдар,баянды махаббат мол болғай!
