Ас-кум! Жалпы, Ислам дінінде емші-тәуіптерге қатысты мынадай көзқарас бар. Егер емші шөп-дәрімен емдейтін болса, яки тағы басқа дәрі-дәрмекті қолдану арқылы емдейтін болса немесе Құран аяттарын оқып, дем салып емдейтін болса, бұған дінімізде қарсылық жоқ. Сондықтан әуелі олардың немен емдейтініне мән берейік. Сосын алдына келгеннің бәріне "бағың байлаулы, сенің жолың жабық, саған біреу дұға жасаған. Ол үшін енді сен пәленше атаның басына барып келуің керек" деп қара аспанды төндіретін емшілердің жағдайы түснікті. Бұлар өкінікше орай өздерінің не істеп жүргенін білмейтін адасушылар және басқаны адастырушылар. Бұдан сақ болу керек. Әрқашан да біздің бойтұмарымыз, қорғанымыз - Алладан пана сұрау. Ол Ләә иләәһә иллаллааһу, Мухаммадур расуулуллааһ. Алладан басқа тәңір жоқ, Мұхаммед Оның елшісі. Және басқа да жын-шайтанды қуатын сөздерді айтып, Алладан медет сұрауымыз. Ондай емші-тәуіптерден аулақ болу керек. Өйткені, оған барған соң адамның басын айналдырып, түрлі психалогиялық қысымдар жасауы әбден мүмкін. Дін жайында түсінігі аз адам оның айтқанын жасап, күнә істеуімен қатар өз өмірінде түрлі қиындықтарға тап болуы мүмкін. Сондықтан сұрайтын және қорғайтын Жаратушы Алла тағала тұрғанда, қулһу алладан әрі аса алмайтын, фатиханы қате оқып, шала-шұла дәрет алатын және адамдарды тек адастырудан һәм алжастырудан әрі аса алмайтын адамнан неге жәрдем сұрауымыз керек? Неге біз оның үркітіп-қорқытуынан қорқуымыз керек? Сондықтан көрінгеннің сандырағына сене бермей, таза Ислам құндылығына үңілейік, бауырлар!
Tolebi_OSPAN
пікір
