Қазақ елінің болашағы жарқын болады деп ойлаймын! Сандаған ғасырлар бойы ата-бабамыз армандап кеткен тәуелсіздігімізді алдық, егемен ел болдық. Аллаһқа шүкір, Қазақстан халқын бүкіл әлем танып жатыр. Біз өмір сүріп жатқан күнді, яғни, осы сәтті мыңдаған, миллиондаған адамдар арман етті. Тіпті осы күн түстеріне де кірмеген болар. Менің айтайын дегенім, Қазақ елінің болашағы - жастардың қолында! Осы күнге дейін "қазақ" атын өшірмей, қазақ елін әлемге паш етіп келген аға буын өкілдеріне алғысымыз шексіз! Енді біз, жастар, қазақ халқының болашағының жарқын болуына өз үлесімізді қосуымыз қажет! Еліміздің сан ғасырлар бойы армандап келген тәуелсіздігі мен елдің тыныштығын, бейбітшілігі мен достастығын, тіліміз бен тарихымызды, дініміз бен ділімізді мәңгі сақтап қалуымыз керек!!! Егер жастар еліміздің бұдан әрі өркендеп, өсіп, дамуына тер төгетін болса, Қазақ халқының болашағының жарқын, тәуелсіздігінің ғұмырлы, елінің тұғырлы болатынына мен сенімдімін!
