Мен сиқыршы болсам, дәрігерлер емдей алмай жатқан барлық аурулардың көзін жоямын. Өйткені, денсаулық – адамның ең басты байлығы. Ғажайып күшімнің көмегімен, әлемде жетім балалар болмайтындай жасар едім. Бүкіл балалардың әкесі мен анасы болып, олардың жанұялары сүйіспеншілікте өмір сүретін еді. Жер бетінде болып жатқан соғыстарды тоқтатып, бейбітшілік орнатуға барлық күшімді саламын. Пайдалы қазбалар мен жер мәселесі үшін туыңдаған жанжалдарды болдырмаймын. Адамдарды өздерін және басқаларды құрметтеуге үйретемін. Егер қолымнан келсе, әрбір пенденің арманын орындап беремін. Сиқыршы болсам, мыңдаған адамның өмірін әкеткен жер сілкінісі мен су тасқындары болмайтын дүниені құрамын. Ұшақ, поезд және көлік апаттарын тоқтатамын. Жануарлардың және құстардың сақталуын қамтамасыз етіп, өзендерді балықтармен, ал ормандарды жануарлардың көптеген түрлерімен толтырамын. Дегенмен, менің басты сиқырым – ол бәрін бақытты ету! Бірақ, оны жүзеге асыру үшін сиқыршының күші жеткіліксіз, әрбір адам өзінен бастауы керек.
