Қарапайым тілмен түсіндіріп көрейін. Әдетте қыздарды гүл дейміз, сол гүлдердің арасынан сізге кезіккені тікені бары болар. Қыздар неге қырсықпауы керек? Міндетті түрде қырсығады, оның қырсықтығын көтере алмай жүрген не қылған жігіт? Сіз ертең сол қызды жар етесіз, ал ол сол кезде қырсықтығынан арылып, мейлі арылмаса да сізді пір тұтып, ата-анаңызды сыйлауға мүделі, ең бастысы ол сіз үшін өз үйін, өскен ортасын тастап "бақытты боламын деп емес, бақытты қыламын" деп келеді емес пе? Ол сіздің анаңызға ұнамай қалған жағдайда, отымен кіріп күлімен шығады ғой, не десеңіз де көнеді. Адам көңілінен шығу оңай ма? Бір сәтке өзіңізді ата-анаңызды тастап, сол қыздың артынан кеткен күшік күйеу ретінде елестетіп көріңізші, жақсы ма қыз ағаларының "әй! өй!" деп жүргенін, көтере алар ма едіңіз? Жігітпен жүретін кез-келген қыз жүріп қана қоюды емес сонымен қатар болашақты ойлайды, ертеңгі күнін ойлайды. Сіз оның ойындағыдай болмасаңыз, қырсықпағанда қайтеді? Әйел адамдар еркек адамның бір ғана қабырғасынан жаратылған, сол кисық қабырғаны түзеймін деп сындырып алып жүрмеңіз. Осыған орай бір мысал келтіріп көрейін:
*"Алла Тағала ең алдымен Адам атаны жаратып, оны жәннәт бағына жібереді. Кереметтей жәннәт бағында біраз өмір сүрген Адам атамыз жалғызықтан жалыға бастайды. Сонда Алла Тағалаға келіп өзіне бір сыңар жаратуын өтініпті. Алла Тағала оның өтінішін қабыл алып "ай десе аузы, күн десе көзі бар" бір әдемі әйелді қасына сыңар етіп жіберіпті. Сонымен Адам атамыз бақытты ғұмыр кеше бастапты, алайда ол бақыты ұзаққа созылған жоқ. Бір күні ол әйеліне: -- Нәскиімді жуып бере қойшы,- десе, әйелі: -- Керек болса өзің жуып ал, мен сенің құлың емеспін, немене өткізіп қойғаның бар ма еді?!-- деп өзіне қарсы жауап беріпті. Бұдан кейін Адам атамыз Алла Тағалаға келіп, өзіне мұндай "беттен алып, төске шабатын" әйелден гөрі айтқанымен жүретін әйел беруін сұрапты. Сонда Алла Тағала: "Ондай әйелді мен сенің бір қабырғаңнан жаратайын, тек сен оған шыдауың керек" - дейді. Бұған Адам атамыз қуана келісіпті. Сонымен Адам атамыздың бір қабырғасын алмақ болыпты. Денеңді кесін алу деген оңай ма, ол қатты қиналады, сонда да тістене шыдайды. Оның шыдамының арқасында Хауа анамыз пайда болып, ол оның айтқанымен жүріп, өте сыйласып ғұмыр кешіпті. Сонша қиындықпен қолға түскен сыңарын да Адам атамыз бағалай білген екен"*
Міне, қыз - сіздің болашақ жарыңыз, анаңыз, қарындасыңыз, әпкеңіз, апаңыз, әжеңіз. Солай бола тұра неге оның еркелігін көтермеске. Сәл ғана қиындыққа шыдай алмағаныңыз қалай? Сіз қазір оның қырсықтығына төтеп берсеңіз, ертең ол сіздің өміріңізді гүлге айналдырары сөзсіз. Сіздің оның соншалықты қырсықтығына шыдағаныңызды ол әсте ұмытпайды, ертеңі күні сізді сыйлайтын болады. Оп-оңай қызға қол жеткізсеңіз Адам ата сияқты өкініп қалуыңыз мүмкін, ол да сізді бағаламайды. Қазір шыдай біліңіз ал ертеңгі күні "еркекті гүл ететін де, кұл ететін де әйел". Біздер еркектерді еркек екен ғой деп жәйдан жәй бағалай бермейміз ғой, ол сол бағалауға лайық болуы керек......
