Негізі бұл сұрақтың осы сайтта қойылуы дұрыс емес секілді. Бұл жағын Админдер шешер. Бірақ сұраққа сондада жауап беруді ұйғардым, әрине көпшілік біліп жүрсін деген ниетте. Көп қойылатын сұрақ болғасын. Зиярат ету деген ақыретті еске түсіріп, одан ғибрат алу және мәйіттің күнәсінің кешірілуін Алладан тілеу болып табылады. Оған дәлел Пайғамбарымыздың (с.ғ.с.) мына хадисі: «Қабірлерге зиярат етіңдер. Өйткені қабірлерді зиярат ету ақыретті естеріңізге салады» (Ибн Мәжәһ). Әбу Сәъид әл-Худридің (р.ғ.) риуаятында: «…Енді, оларға (қабірлерге) зиярат етіңдер. Расында, зиярат етуде ғибрат бар…» деген жолдар бар. Айшадан (р.ғ.) риуаят етіледі: «Пайғамбарымыз (с.ғ.с.) әл-Бақиъ қорымына шығып, олардың күнәларының кешірілуін тілейтін. Сонда Айша (р.ғ) одан бұл жөнінде сұрады. Ол (с.ғ.с.): «Мен оларға дұға етуге бұйырылдым» деді» (Ахмәд, Мүслим және басқалар).
