Тұрмыстық зорлық-зомбылыққа тек ер адам кінәлі деп санайсыз ба?

Question

Қазақстанда тұрмыстық әлімжеттікке қатысты заңның күшейгеніне екі жылға жуық уақыт болды. Осы уақыт ішінде елде 150 әйел күйеуінің не бірге тұратын ер адамның қолынан көз жұмды.

Сарапшылардың айтуынша, заңды қатаңдатқан сайын полицияға жүгінетін әйелдер азая береді. Себебі ешкім ұл-қызының қылмыскердің баласы атанғанын қаламайды.

Ал әлеуметтік зерттеуге сәйкес, жәбірленуші – кәмелетке толмаған бір немесе бірнеше баласы бар 25-45 жас аралығындағы әйел. Көп жағдайда олар күйеуіне экономикалық жағынан тәуелді болады.

Answer 1

Қызды зорласа, өлтірсе де кінәлі нақты адам. Осыны сылтауратып, «еркектер әйелдерге қарсы қастандық жасауда» деп ұран көтеріп, әйелді еркектен бөлуді тоқтату керек. Әр оқиғаға жеке баға беріледі. Әр адам өз ісі үшін жауап береді. Азғындықтың жынысы болмайды. Ардан айырылу еркекке де, әйелге де ортақ дерт

Әлгі қызды көндіріп, қан тиген шүберекті абыройдың өлшеміне айналдырып отырғандар кімдер? Еркектер ме, әйелдер ме? Осы сұраққа адал жауап бермей тұрып бір тарапты тұтас айыптау әділет емес.

daniyar_kenzheuly