Баланы еркелетудің нақты «жас шегі» жоқ. Мейірім, құшақтау, жылы сөз, бірге ойнау балаға кез келген жаста қажет. Бұл оны «еркелетіп жібермейді», керісінше өзін қауіпсіз сезінуге және ата-анасына сенуге көмектеседі.
Маңыздысы – мейірім мен шексіз рұқсатты шатастырмау. Баланы жақсы көру бір бөлек, ал әр қалауын орындау бір бөлек. Мысалы, бала ренжісе құшақтап, сезімін түсінген дұрыс. Бірақ дүкенде сұраған әр ойыншығын алып беру немесе тәртіпсіздігіне мүлде шек қоймау міндет емес.
Кішкентай кезде балаға көп жақындық керек болады. Өсе келе де еркелетуді тоқтатпаған жөн, тек түрі өзгереді: құшақтау, әңгімесін тыңдау, қолдау айту, бірге уақыт өткізу.
Үйде қарапайым ереже болғаны пайдалы: баланы әрдайым жақсы көреміз, бірақ кей әрекеттерге болмайды. Мысалы: «Сені түсінемін, қазір ашуланып тұрсың. Бірақ ұруға болмайды».
baribar.kz
12 қыркүйектен бастап Қазақстанда емханаға тіркелу тәртібі өзгереді
