Қазақ КСР-нің Белгілі баскетболшылары:
Владимир Хамзинович Мұхамеджанов. ҚазКСР еңбек сіңірген жаттықтырушысы, құрама командасының мүшесі, КСРО спорт шебері.
Алжан Жармұхамедов. Үш дүркін Еуропа чемпионы, Әлем чемпионатының күміс және қола жүлдегері, сондай-ақ Олимпиада чемпионы. Кәсіби мансап кезеңінің көпшілігі Мәскеудегі ЦСКА клубында өнер көрсетті.
Валерий Тихоненко. Кеңестік және ресейлік кәсіби баскетболшы, Олимпиада чемпионы және КСРО еңбек сіңірген спорт шебері (1988). Ауыр форвард позициясында ойнады.
Виталий Стребков. Бұрынғы қазақстандық және ресейлік кәсіби баскетболшы, Қазақстанның ерлер және әйелдер ұлттық құрамаларының жаттықтырушысы. Халықаралық дәрежедегі спорт шебері.
