Жаз – әрбір оқушының ең сүйікті жыл мезгілі. Себебі, 3 айға созылатын ұзақ демалыс басталады. Балалар, 1-ші қыркүйек күні кездескен кезде, алдымен, жазғы каникулда болған қызықты оқиғалары туралы әңгімелесе бастайды. Сондықтан, менде өз демалысымды қалай өткізгенім жайлы сіздерге айтып кетейін.
Жазғы демалыста бостан-бос үйде отырмай, оны пайдалы өткіземін деп шештім. Жалпы өзім таза ауада серуендегенді ұнатамын. Таңертең ұйқыдан оянған соң, далаға шығып жүгіріп отырдым. Осының арқасында, өзімнің физикалық даярлығымды қалыпқа келтіре алдым. Компьютердің, телефонның немесе теледидардың алдында уақытымды өткізген жоқпын. Үйде ата-анама көмектесіп, олардың тапсырмаларын мұқият орындап отырдым. Шілде айында отбасыммен бірге көлге бардық. Бұған дейін мен мұндай курорттарда болған емеспін. Осы сапар маған тек жағымды эмоциялар ғана сыйлады. Жаздың ыстық күндерінде суға шомылып, құмды жағажайда жату керемет екен. Ата-анаммен аквапаркке барып, өмірінде алғаш рет дельфиндерді көрдім. Катамаранға және қайыққа мініп, көлде жүздік. Ал, кеш батқан кезде, уақытымызды жағалауда серуендеумен өткіздік. Бұл демалыс, маған ұмытылмас әсер қалдырды! Келесі жылы осы жерге қайтадан келуді жоспарлап отырмыз. Тамыз айында қалада болдым. Соңғы аптада жаңа оқу жылына дайындала бастадым. Жазғы каникул ең ұзақ болғанымен, өте жылдам өтіп кетеді.
