Дәріханадан ихтиол мазін алыңыз. Мақта дискісін төртке бөліп не кез келген кішкене көлемді мақтаға ихтиолды жағыңыз. Ихтиол жағылған мақтаны сыздауықтың бетіне таңып, сантипласт не басқа нәрсемен теріге жапсырыңыз. Мазь сыздауықтың өзегін шығарады да, жара тез жазылады.
Қазақы емдерді де қолдануға болады:
– Жуаны сүтке пісіріп, жараға басса, өзегін тез алады.
– Қойдың майын жағу да тез көмектеседі.
– Кішкене қамыр илеп, жараға таңып, біраздан соң сол қамырды арша, шырша секілді ағашқа түйреп қою.
– Дәкеге құрғақтай кір сабын жағып, жараға таңуға да болады.
Сыздауық бірнеше рет шыға берсе, иммунитетіңіз жарамен күресуге дәрменсіз деген сөз. Ондай жағдайда иммунитетті күшейтетін укол алған дұрыс.
