Saqbol қосымшасы коронавирустық инфекцияның таралуын бақылау, сондай-ақ Exposure Notification технологиясын (Google және Apple компанияларынан жұқтыру қаупі туралы хабарламалар жүйесі) пайдалана отырып, жұқтыру ошақтарын уақтылы оқшаулау мақсатында құрылды.
Қосымшаның жұмысы дәл сондай қосымша орнатылған басқа құрылғылармен контактілерді жасырын бақылауға және дәл сондай қосымша орнатылған басқа құрылғылармен шифрланған өзара әрекеттесу жазбаларын сақтауға бағытталған.
Saqbol мобильді қосымшасы Google Play (қажетті Android нұсқасы - 6.0 немесе одан кейінгі), App Store (қажетті iOS нұсқасы - 13.5 немесе одан кейінгі) жүктеу үшін қол жетімді. Қосымшаның дұрыс жұмыс істеуі үшін сізде операциялық жүйенің соңғы нұсқасы орнатылғанына көз жеткізуді ұсынамыз.
Бұл қалай жұмыс істейді?
Saqbol қосымшасын смартфонға орнатыңыз, Bluetooth қосыңыз және телефонды үнемі өзіңізбен бірге алып жүріңіз. Осы қосымшаны орнатқан басқа адамдармен жақын байланыста болған кезде, сіздің смартфондарыңыз Bluetooth арқылы шифрланған сәйкестендіргіштермен алмасады. Сәйкестендіргіштің әрбір бақылау сомасы оны жасағаннан кейін екі аптадан кейін пайдаланушы құрылғысынан автоматты түрде жойылады.
ПТР тестін тапсырғаннан кейін пайдаланушының мобильді нөміріне нәтижені білу үшін Saqbol қосымшасында енгізуге болатын 10 таңбалы коды бар смс хабарлама келеді.
Қосымшаны пайдалану үшін тіркеу қажет емес. Қосымша ешбір жеке деректерді немесе орналасқан жер туралы деректерді жинамайды немесе жібермейді. Бұл дегеніміз, сіз кіммен байланысқаныңызды және бұл байланыс қайда болғанын ешкім анықтай алмайды.
Егер Saqbol қосымшасының пайдаланушысы коронавирусқа оң нәтиже алса, ол өз қосымшасындағы хабарландыру функциясын іске қоса алады. Бұл соңғы 14 күн ішінде екі метрден аз қашықтықта және 15 минуттан астам уақыт ішінде жұқтырған адаммен байланыста болған қосымшаның басқа пайдаланушыларын ескертеді.
Хабарламаны іске қосқан кезде қосымша автоматты және анонимді түрде бұл туралы қосымшаның басқа пайдаланушыларын хабардар етеді.
Хабарлама алған пайдаланушылар қосымша арқылы Қазақстан Республикасы Денсаулық сақтау министрлігінің бұдан арғы іс-қимылдар туралы ұсынымдарымен таныса алады.
Қосымшаны қолданар алдында Пайдаланушы келісімімен және Құпиялылық саясаты танысуды сұрайды.
https://egov.kz/cms/kk/information/about/Saqbol_mobileapp
